முகபாவனை
இளம் வீரர் கலீல் அஹ்மது, விராட் கோலியின் விக்கெட்டை 2வது ஓவரிலேயே வீழ்த்தினார். கோலி அப்போது 16 ரன்கள் மட்டுமே எடுத்திருந்தார். கோலியின் விக்கெட்டை எடுத்த பின் கலீல் அஹ்மது பயங்கர உற்சாகம் அடைந்து இரண்டு கை முட்டிகளையும் மடக்கி, வித்தியாசமான முகபாவனை காட்டி கொண்டாடினார்.
விராட் கோலி கிண்டல்
போட்டி முடிந்த பின், விராட் கோலி மற்றும் பிற பெங்களூர் அணியினருடன் கலீல் அஹ்மது பேசிக் கொண்டிருந்தார். அப்போது கோலி, கலீல் அஹ்மது எப்படி தன் விக்கெட்டை எடுத்துவிட்டு விசித்திரமாக கொண்டாடினார் என செய்து காட்டினார்.
கலாய்த்து அனுப்பினார்
அதைக் கண்டு கலீல் அஹ்மது வெடித்துச் சிரித்தார். கோலியும் சிரித்துக் கொண்டே கலீல் அஹ்மதை செமையாக கலாய்த்து அனுப்பினார். கலீல் அஹ்மது இந்த சீசன் ஐபிஎல் தொடரில் விக்கெட் வேட்டை நடத்தினார்.
வாய்ப்பு கிடைக்கும்
இந்த சீசனில் 8 போட்டிகளில் மட்டுமே பங்கேற்று 17 விக்கெட்கள் அள்ளியுள்ளார் கலீல் அஹ்மது. சமீபத்தில் நடந்த உலகக்கோப்பை அணித் தேர்வில், கலீல் அஹ்மது தேர்வு செய்யப்படவில்லை. எனினும், தற்போதைய ஐபிஎல் செயல்பாடுகளால், இந்திய அணியில் மீண்டும் இணையும் வாய்ப்பு அவருக்கு கிடைக்கும் என எதிர்பார்க்கப்படுகிறது.