அஸ்வின் அதிகம்
அஸ்வின், இளம் வீரர் ஸ்ரேயாஸ் ஐயர் ஆகியோர் கூட கோலியை விட சிறந்த அதிக மதிப்பெண் பெற்றுள்ளனர். ஐபிஎல் கேப்டன்களுக்கு சஞ்சய் மஞ்ச்ரேக்கர் எவ்வளவு மதிப்பெண் கொடுத்தார்? அதில் கோலி வாங்கியது எத்தனை?
தோனி டாப்
2019 ஐபிஎல் தொடரில் இறுதிப் போட்டி வரை முன்னேறி தோல்வி அடைந்த சென்னை அணியின் கேப்டன் தோனி 10க்கு 9 மதிப்பெண் பெற்றுள்ளார். அடுத்து கோப்பை வென்ற மும்பை அணியின் கேப்டன் ரோஹித் 8, சிறப்பாக டெல்லி அணியை வழி நடத்திய இளம் கேப்டன் ஸ்ரேயாஸ் ஐயர் 8 மதிப்பெண் கொடுத்துள்ளார் சஞ்சய்.
அஸ்வின் எத்தனை?
பஞ்சாப் அணி கேப்டன் அஸ்வினுக்கு ஆச்சரியம் அளிக்கும் வகையில் 7 மதிப்பெண் வழங்கி உள்ளார். தட்டுத் தடுமாறி பிளே-ஆஃப் சென்ற ஹைதராபாத் அணியின் கேப்டன் கேன் வில்லியம்சனுக்கும் 7 மதிப்பெண் கிடைத்துள்ளது.
ரஹானே மோசம்
ராஜஸ்தான் ராயல்ஸ் அணியின் இரண்டாம் பாதி கேப்டன் ஸ்டீவ் ஸ்மித்துக்கு 6, முதல் பாதி கேப்டன் ரஹானேவுக்கு 5 கொடுத்தார். இதில் ரஹானே தலைமையில் பல போட்டிகளில் ராஜஸ்தான் அணி தோல்வி அடைந்தது குறிப்பிடத்தக்கது.
கோலி வாங்கிய மதிப்பெண்
முதலில் சறுக்கினாலும் இறுதியாக சில போட்டிகளில் நன்றாக ஆடிய பெங்களூர் அணியின் கேப்டன் கோலிக்கு வெறும் 6 மதிப்பெண் மட்டுமே கொடுத்துள்ளார் சஞ்சய். ஒரு முன்னணி தேசிய அணியின் கேப்டன், டெஸ்ட்டில் நம்பர் 1 அணியின் கேப்டன், ஒருநாள் போட்டிகளில் இரண்டாம் இடத்தில் இருக்கும் அணியின் கேப்டனுக்கு, ஐபிஎல் தொடரில் 10க்கு 6 மதிப்பெண் மட்டுமே கொடுத்துள்ளார் சஞ்சய் மஞ்ச்ரேக்கர்.
அடுத்த கேப்டன்
அஸ்வின் ஐபிஎல் தொடரில் பல புதிய முடிவுகள் எடுத்தாலும், அதில் பெரும்பாலும் தோல்விகளையே சந்தித்தார். ஆனால், அவரைக் காட்டிலும் மோசமான மதிப்பெண் பெற்று இருக்கிறார் கோலி. ஏற்கனவே, இந்திய அணிக்கு ரோஹித் சர்மாதான் சரியான கேப்டன் என முன்னாள் வீரர் கம்பீர் சூசகமாக கூறி வருகிறார். இந்த நிலைமையில், சஞ்சய் மஞ்ச்ரேக்கரும், கோலி காலை வாரி விட்டுள்ளார்.