கொல்கத்தா பேட்டிங்
இந்தப் போட்டியில் டெல்லி அணி டாஸ் வென்று முதலில் பந்துவீச்சை தேர்வு செய்தது. கொல்கத்தா அணிக்கு ஷுப்மன் கில் 9 ரன்களில் ஆட்டமிழந்து மோசமான துவக்கம் அளித்தார். நிதிஷ் ராணா இந்தப் போட்டியில் துவக்க வீரராக களமிறங்கினார். அவர் அதிரடி ஆட்டம் ஆடி வந்தார்.
ராணா - நரைன் ஆட்டம்
ராகுல் திரிபாதி 13 ரன்களிலும், தினேஷ் கார்த்திக் 3 ரன்களிலும் ஆட்டமிழந்தனர். அதன் பின் ராணா - சுனில் நரைன் ஜோடி சேர்ந்து டெல்லி அணியை துவம்சம் செய்தனர். நிதிஷ் ராணா 13 ஃபோர், 1 சிக்ஸ் அடித்து 53 பந்துகளில் 81 ரன்கள் சேர்த்தார்.
இமாலய இலக்கு
சுனில் நரைன் 32 பந்துகளில் 64 ரன்கள் குவித்தார். அவர் 6 ஃபோர், 4 சிக்ஸ் அடித்து இருந்தார். கொல்கத்தா அணி 20 ஓவர்களில் 6 விக்கெட் இழப்பிற்கு 194 ரன்கள் குவித்தது. டெல்லி அணியின் அன்ரிச் நோர்ஜே, ரபாடா, ஸ்டோனிஸ் தலா 2 விக்கெட்கள் வீழ்த்தி இருந்தனர்.
தடுமாறிய டெல்லி
அடுத்து சேஸிங் செய்த டெல்லிக்கு முதல் பந்திலேயே டக் அவுட் ஆகி அதிர்ச்சி அளித்தார் ரஹானே. கடந்த இரண்டு போட்டிகளில் சதம் அடித்த தவான் 6 ரன்களில் ஆட்டமிழந்தார். இவர்கள் இருவரது விக்கெட்களை பாட் கம்மின்ஸ் சாய்த்தார்.
வருண் அசத்தல்
அடுத்து மிடில் ஆர்டர் பேட்ஸ்மேன்களை வருண் சக்கரவர்த்தி கவனித்துக் கொண்டார். ஸ்ரேயாஸ் ஐயர் 47, பண்ட் 27, ஹெட்மயர் 10, ஸ்டோனிஸ் 6, அக்சர் பட்டேல் 9 ரன்களில் அவரது பந்துவீச்சில் விக்கெட்டை பறிகொடுத்தனர்.
அபார வெற்றி
டெல்லி அணி 20 ஓவர்களில் 9 விக்கெட்கள் இழந்து 135 ரன்கள் மட்டுமே எடுத்தது. 59 ரன்கள் வித்தியாசத்தில் கொல்கத்தா அணி அபார வெற்றி பெற்றது. கம்மின்ஸ் 3, பெர்குசன் 1, வருண் சக்கரவர்த்தி 5 விக்கெட்கள் வீழ்த்தினர்.