பஞ்சாப் பந்துவீச்சு
2020 ஐபிஎல் தொடரின் 13வது லீக் போட்டியில் கிங்ஸ் லெவன் பஞ்சாப் அணி டாஸ் வென்று பந்துவீச்சை தேர்வு செய்தது. மும்பை இந்தியன்ஸ் அணி முதலில் பேட்டிங் செய்தது. பஞ்சாப் துவக்கத்திலேயே விக்கெட் வீழ்த்தி அதிரடி காட்டியது.
2 விக்கெட் காலி
மும்பை அணியின் துவக்க வீரர் டி காக் முதல் ஓவரில் டக் அவுட் ஆனார். அடுத்து சூர்யகுமார் யாதவ் ரன் அவுட் ஆனார். 21 ரன்களுக்கு மும்பை இந்தியன்ஸ் அணி 2 விக்கெட்களை இழந்தது. அப்போது ரோஹித் சர்மா நிலையாக நின்று ஆடினார்.
ரோஹித் நிதான ஆட்டம்
இஷான் கிஷனுடன் இணைந்து அடுத்து விக்கெட் விழாமல் ஆடினார் ரோஹித் சர்மா. ஓவருக்கு 7 ரன்களுக்கும் குறைவாகவே மும்பை இந்தியன்ஸ் அணி எடுத்து வந்தது. எனினும், ரோஹித் கடைசி 5 ஓவர்களில் அதிரடி ஆட்டம் ஆடிக் கொள்ளலாம் என திட்டமிட்டு ஆடினார்.
அதிரடி
சரியாக 16வது ஓவரில் தன் அதிரடி ஆட்டத்தை தொடங்கினார். அந்த ஓவரில் 2 ஃபோர், 2 சிக்ஸ் அடித்தார் ரோஹித். அரைசதமும் கடந்து அசத்தினார். அடுத்த ஓவரிலேயே ரோஹித் முகமது ஷமி பந்துவீச்சில் ஆட்டமிழந்தார்.
ரன் குவிப்பு
ரோஹித் சர்மா 45 பந்துகளில் 70 ரன்கள் குவித்த நிலையில் ஆட்டமிழந்தார். 8 ஃபோர், 3 சிக்ஸ் அடித்து இருந்தார். அவர் சென்ற பின் பொல்லார்டு மற்றும் ஹர்திக் பாண்டியா அதிரடி ஆட்டம் ஆடி மும்பை அணியின் ஸ்கோரை உயர்த்தினர்.
மும்பை ஸ்கோர்
20 ஓவர்கள் முடிவில் மும்பை அணி 4 விக்கெட் இழப்பிற்கு 191 ரன்கள் எடுத்தது. ரோஹித் சர்மா 45 பந்துகளில் 70, பொல்லார்டு 20 பந்துகளில் 47, ஹர்திக் பாண்டியா 11 பந்துகளில் 30 ரன்கள் குவித்து இருந்தனர்.