சவாலான இலக்கு
2020 ஐபிஎல் தொடரின் 12வது லீக் போட்டியில் ராஜஸ்தான் ராயல்ஸ் - கொல்கத்தா நைட் ரைடர்ஸ் அணிகள் மோதின. இந்தப் போட்டியில் கொல்கத்தா அணி முதலில் பேட்டிங் செய்து 174 ரன்கள் குவித்தது. ராஜஸ்தான் அணிக்கு 175 ரன்கள் என்ற சவாலான இலக்கு நிர்ணயிக்கப்பட்டது.
விக்கெட் சரிவு
ராஜஸ்தான் அணியின் பேட்டிங்கில் விக்கெட்கள் வேகமாக சரிந்தன. ஸ்டீவ் ஸ்மித் 3, சஞ்சு சாம்சன் 8, பட்லர் 21, உத்தப்பா 2, ரியான் பராக் 1, திவாதியா 14, கோபால் 5, ஆர்ச்சர் 6, உனட்கட் 9 ரன்களில் ஆட்டமிழந்தனர். 7 வீரர்கள் ஒற்றை இலக்கத்தில் விக்கெட்டை இழந்தனர்.
டாம் கர்ரன் அபார ஆட்டம்
ஆனாலும், டாம் கர்ரன் அபார ஆட்டம் ஆடி அரைசதம் கடந்து கடைசி வரை களத்தில் இருந்தார். அவர் 36 பந்துகளில் 54 ரன்கள் குவித்தார். 2 ஃபோர், 3 சிக்ஸ் அடித்தார். அவரது ஆட்டத்தால் 88 ரன்களுக்கு 8 விக்கெட்களை இழந்த ராஜஸ்தான் 137 ரன்களை எட்டியது.
தோல்வி தான்..
ராஜஸ்தான் அணி 88 ரன்களுக்கு 8 விக்கெட்களை இழந்த போதே தோல்வி உறுதியானது. எனினும், அணியை 100 கடக்கச் செய்ய போராடினார் டாம் கர்ரன். கடைசி ஓவர்களில் அதிரடி ஆட்டமும் ஆடி அசத்தினார். ராஜஸ்தான் அணி தன் முதல் தோல்வியை சந்தித்துள்ளது.