உத்தப்பா ரன் அவுட்
ராஜஸ்தான் அணியின் துவக்க வீரர் ராபின் உத்தப்பா 19 ரன்கள் எடுத்த நிலையில் தாமாக முன்வந்து ரன் அவுட்டாகி விக்கெட்டை பறிகொடுத்தார். மற்றொரு துவக்க வீரர் பென் ஸ்டோக்ஸ் படுநிதான ஆட்டம் ஆடி 30 ரன்கள் மட்டுமே எடுத்தார்.
ராஜஸ்தான் ஸ்கோர்
சாம்சன் 36, பட்லர் 9, ஸ்டீவ் ஸ்மித் 19, ரியான் பராக் 20 ரன்கள் எடுத்தனர். ஆர்ச்சர் கடைசி ஓவரில் அதிரடி ஆட்டம் ஆடினார். அவர் 7 பந்துகளில் 16 ரன்கள் சேர்க்க ராஜஸ்தான் ராயல்ஸ் அணி 20 ஓவர்களில் 6 விக்கெட் இழப்பிற்கு 154 ரன்கள் எடுத்தது.
பந்துவீச்சு
ஹைதராபாத் அணியின் பந்துவீச்சு சிறப்பாக இருந்தது. விஜய் ஷங்கர், ரஷித் கான் ஓவருக்கு 5 ரன்கள் மட்டுமே கொடுத்தனர். ஜேசன் ஹோல்டர் 3, ரஷித் கான் 1, விஜய் ஷங்கர் 1 விக்கெட் வீழ்த்தினர். அடுத்து ஹைதராபாத் அணி சேஸிங் செய்தது.
2 முக்கிய விக்கெட்
ஆர்ச்சர் துவக்கத்தில் மிரட்டலாக பந்து வீசினார். முதல் ஓவரில் டேவிட் வார்னரை 4 ரன்கள் எடுத்த நிலையிலும், 3வது ஓவரில் பேர்ஸ்டோவை 10 ரன்கள் எடுத்த நிலையிலும் வீழ்த்தினார். அத்துடன் ஹைதராபாத் கதை முடிந்தது என்றே பலரும் எண்ணினர்.
மனிஷ் பாண்டே
ஆனால், அதன் பின் மனிஷ் பாண்டே 47 பந்துகளில் 83 ரன்கள் குவித்தார். விஜய் ஷங்கர் அவருக்கு ஒத்துழைப்பு அளித்து ஆடி 51 பந்துகளில் 52 ரன்கள் குவித்தார். இந்த ஜோடி மூன்றாவது விக்கெட்டுக்கு 140 ரன்கள் சேர்த்தது.
ஹைதராபாத் வெற்றி
ஹைதராபாத் அணி 18.1 ஓவர்களில் 2 விக்கெட் இழப்பிற்கு 156 ரன்கள் எடுத்து 8 விக்கெட் வித்தியாசத்தில் அபார வெற்றி பெற்றது. ராஜஸ்தான் அணி 2 முக்கிய விக்கெட்களை வீழ்த்திய பின்னும் ஆதிக்கம் செலுத்த முடியாமல் தோல்வி அடைந்தது.