வலுவாக இருக்கும் சிஎஸ்கே
இந்தாண்டு ஐபிஎல் தொடரில் இதுவரை 8 போட்டிகளில் விளையாடியுள்ள சிஎஸ்கே அணி 6 வெற்றிகள் 2 தோல்விகள் என 12 புள்ளிகளுடன் 2-வது இடத்தில் இருக்கிறது. கடைசியாக நடைபெற்ற மும்பை இந்தியன்ஸ் அணிக்கு எதிரான போட்டியில் பேட்டிங்கில் 8வது விக்கெட் வரை திறம்பட செயல்பட்டு வருகின்றனர். அதே போல பவுலிங்கிலும் ஃபுல் ஃபார்மில் இருக்கின்றனர்.
ஃபார்மில் இல்லாத ஆர்சிபி
இதே போல இந்தாண்டு 8 போட்டிகளில் விளையாடியுள்ள ஆர்சிபி அணி 5 வெற்றி, 3 தோல்விகள் என 10 புள்ளிகளுடன் 3-வது இடத்தில் இருக்கிறது. 2வது மற்றும் 3வது இடத்தில் உள்ள அணிகளுக்கான போட்டி என்பதால் மிகப்பெரும் எதிர்பார்ப்பு நிலவி வருகிறது. ஆனால் இந்த போட்டியில் சிஎஸ்கேவுக்கே வெற்றி வாய்ப்பு அதிகம் உள்ளது எனக்கூறுகின்றனர். பெங்களூரு அணியில் தற்போது பலம் குறைந்த ஒன்றாகவே பார்க்கப்படுகிறது.
Recommended Video
4 பேட்ஸ்மேன்கள் மட்டுமே
ஆர்சிபி அணியின் பேட்டிங்கை பொறுத்தவரையில் கோலி, தேவ்தத் பட்டிக்கல், டிவில்லியர்ஸ், மேக்ஸ்வெல் என 4 பேரை மட்டுமே நம்பியுள்ளது. மிடில் ஆர்டரில் ரன் அடிப்பதற்கு கூட பெரிய அளவில் வீரர்கள் இல்லை. டாப் 4 வீரர்களுமே கடந்த போட்டியில் சொதப்பியதால் 92 ரன்களுக்கு ஆர்சிபி சுருண்டு தோல்வியடைந்தது. இதே போல பந்துவீச்சிலும் புதிதாக வந்த வீரர்கள் முதல் பழைய வீரர்கள் வரை யாருமே பெரிய தாக்கத்தை ஏற்படுத்தவில்லை.
விராட் கோலி ஃபார்ம்
இது ஒருபுறம் இருக்க விராட் கோலியின் நிலைமை தற்போது கவலைக்கிடமாக உள்ளது. கேப்டன் பதவியில் இருந்து விலகுவதாக அறிவித்திருந்த அவர், கடும் மன அழுத்தத்தில் இருப்பது வெளிப்படையாக தெரிகிறது. கடந்த போட்டியில் அவர் பேட்டிங்கில் பந்தை மீட் செய்வதற்கு தடுமாறியது ரசிகர்களுக்கு கவலை அளித்தது. எனவே இந்த போட்டியில் அவர் பொறுப்புடன் விளையாடினால் மட்டுமே வெற்றி பெற முடியும்.