சிஎஸ்கே
இந்த போட்டியில் சிஎஸ்கே அணி தொடக்கத்தில் இருந்தே அதிரடி காட்டியது. பொதுவாக சிஎஸ்கே அணியில் பவர் பிளேவில் வீரர்கள் யாரும் பெரிதாக ஆட மாட்டார்கள். ஆட்டம் போக போக மிடில் ஓவர்களில் வேகம் எடுத்து, கடைசியில் அதிரடியாக ரன்களை குவிப்பார்கள். ஆனால் இன்று தொடக்கத்தில் இருந்தே அதிரடி காட்டினார்கள்.
ரூத்துராஜ்
முக்கியமாக ரூத்துராஜ் அவுட் ஆனாலும் கூட டு பிளாசிஸ் சிக்ஸ், பவுண்டரி என்று வெளுத்து வாங்கினார். உனட்கட் ஓவர், ஸ்பின் பவுலர் ஓவர்களில் குறி வைத்து சிஎஸ்கே வீரர்கள் அதிரடி காட்டினார்கள். அதேபோல் இன்னொரு பக்கம் மொயின் அலியும் முதல் பந்தில் இருந்தே சிக்ஸ், பவுண்டரி என்று வேகமாக ஆடினார்.
மொயின்
மொயின் அவுட்டான பின் வந்த ராயுடுவும் பவுண்டரி, சிக்ஸ் என்று ஸ்பின் பவுலர்களை குறி வைத்து அடித்தார். அதிலும் ராகுல் திவாதியாவின் ஒரே ஓவரில் ராயுடு 2 சிக்ஸ் அடித்து ரன் ரேட்டை எகிற வைத்தார். இன்னொரு பக்கம் ரெய்னாவால் பெரிய அளவில் அடிக்க முடியவில்லை என்றாலும் தேவைப்படும் நேரங்களில் சிக்ஸ் அடித்தார்.
டாப் ஆர்டர்
டாப் ஆர்டர் வீரர்கள் எல்லோரும் ரன் ரேட் 9க்கும் குறையாமல் பார்த்துக் கொண்டனர். இதற்கு இரண்டு காரணங்கள் உள்ளன. முதல் விஷயம் மும்பை பிட்சில் 180க்கும் குறைவாக டார்கெட் வைத்தால் அது பெரிய சிக்கலாகும். ராஜஸ்தான் அணி எளிதாக அதை எடுத்துவிடும். இதனால் தொடக்கத்தில் இருந்தே சிஎஸ்கே ரன் ரேட் 9க்கும் குறையாமல் பார்த்துக்கொண்டது.
சிஎஸ்கே அணி
அதோடு சிஎஸ்கே அணியின் பேட்டிங் ஆர்டர் சிறப்பாக இருக்கிறது. கடைசி வரை பேட்டிங் செய்ய வீரர்கள் இருக்கிறார்கள். இதனால் சிஎஸ்கே பேட்ஸ்மேன்கள் விக்கெட் செல்லும் என்று கவலைப்படாமல் அதிரடியாக ஆடி வருகிறார்கள். டெஸ்ட் இன்னிங்ஸ் ஆடாமல் முதல் பாலில் இருந்தே இன்று வீரர்கள் அதிரடியாக ஆட இதுவே காரணமாக இருந்தது.