விமர்சனம்
நான் பிடித்த முதல் 6 பந்துகளால் சிஎஸ்கே அணி தோல்வி கூட அடைந்திருக்கும். மேட்சே எங்களின் கையைவிட்டு போய் இருக்கும் என்று தன்னுடைய ஆட்டத்தை தோனியே விமர்சனம் செய்து இருந்தார். தன்னுடைய ஸ்டிரைக் ரேட் குறைவாக இருப்பதை தோனி இப்படி விமர்சனம் செய்துள்ளார் என்கிறார்கள்.
மற்ற வீரர்கள்
நேற்று சிஎஸ்கேவில் மற்ற வீரர்கள் பலரும் அதிரடியாக ஆடினார்கள். ஆனால் தோனி மட்டும் 100 ஸ்டிரைக் ரேட் வைத்து ஆடினார். இதுதான் தோனி தன்னை சுய விமர்சனம் செய்து கொள்ள முக்கிய காரணம். தோனி இப்படி கூறியதற்கு பின் அவரின் சமீபத்திய பார்ம் இன்னொரு முக்கிய காரணமாகும்.
பார்ம்
கடந்த 2 வருடமாக தோனி பார்மில் இல்லை. அதேபோல் இன்னொரு பக்கம் அவர் கடந்த சீசனில் சரியாக ஆடவில்லை. கடந்த சீசனில் ஒரே ஒரு போட்டியில் மட்டும் 40+ ரன்களை தோனி அடித்தார். மற்ற போட்டிகளில் எல்லாம் அதிரடியாக ஆட முடியாமல் தோனி டெஸ்ட் இன்னிங்ஸ் ஆடினார்.
சீசன்
இந்த சீசனில் அப்படி நடக்க கூடாது என்பதில் தோனி உறுதியாக இருக்கிறார். முக்கியமாக முதலில் டொக் வைத்துவிட்டு பின் அதிரடி காட்ட அவர் விரும்பவில்லை. தொடக்கத்தில் இருந்தே அதிரடியாக ஆட வேண்டும் என்று நினைக்கிறார்கள். மற்ற சிஎஸ்கே வீரர்களும் இப்படித்தான் ஆட வேண்டும் என்று தோனி கருதுகிறார்.
அவசரம்
இதனால்தான் அவர் நேற்று கொஞ்சம் அவசரமாக ஆட முயன்றார். ஆனால் தோனியால் சரியாக ஷாட் அடிக்க முடியவில்லை. இந்த விரக்தியில்தான் தான் ஆடிய முதல் 6 பந்துகள் குறித்து தோனியே விமர்சனம் செய்துள்ளார்.
அதிரடி
தோனி கண்டிப்பாக அதிரடி பாதைக்கு திரும்ப நினைக்கிறார். முதலில் பாலில் இருந்தே இன்டன்ட் காட்ட நினைக்கிறார். அதனால்தான் தன்னுடைய ஆட்டத்தை முதல்முறையாக வெளிப்படையாக விமர்சனம் செய்துள்ளார் என்கிறார்கள்.