சிஎஸ்கே எப்படி வென்றது
இப்போட்டியில் முதலில் பேட்டிங் செய்த சென்னை அணியில் டெவோன் கான்வே 87 ரன்கள், ருதுராஜ் கெயிக்வாட் 41 ரன்கள் விளாச பின்னர் வந்த ஷிவம் தூபே 32 ரன்கள் அடித்தார். இதனால் 20 ஓவர்களில் அந்த அணி 208-6 ரன்களை குவித்தது. இதன் பின்னர் ஆடிய டெல்லி அணியில் ஒரு வீரர் கூட நிலைத்து நிற்கவில்லை. இதனால் 17.4 ஓவர்களில் 117 ரன்களுக்கு ஆல் அவுட்டானது.
பிராவோவின் டைவ்
இந்நிலையில் இந்த போட்டியில் அனைவரும் சீரியஸாக இருந்த போது தோனி செய்த குசும்பு கவனத்தை பெற்றுள்ளது. ஆட்டத்தின் 17வது ஓவரில் மஹீஷ் தீக்ஷணா வீசிய பந்தை ஆண்ட்ரிக் நார்ட்ஜே கவர் திசையில் ஓங்கி அடித்தார். ஆனால் அங்கு நின்றிருந்த டுவைன் பிராவோ டைவ் அடித்து சிறப்பான முறையில் பந்தை தடுத்து நிறுத்தினார்.
தோனி செய்த விஷயம்
அதனை பாராட்ட வந்த தோனி, அனைவரின் முன்பும் 'well done old man' ( சிறப்பாக செய்தீர்கள் வயதானவரே" என குசும்பாக கூறினார். இதனால் களத்தில் இருந்த சக வீரர்கள் சிரித்தனர். மேலும் ஸ்டம்ப் மைக்கில் அது பதிவானதால் கமெண்ட்டேட்டர்ஸும் சிரிப்பலையில் ஆழ்ந்தனர். இதுகுறித்த வீடியோவும் இணையத்தில் வேகமாக பரவி வருகிறது.
— Diving Slip (SlipDiving) May 8, 2022 |
குறையாத வேகம்
வயதானாலும் தோனி மற்றும் பிராவோவின் வேகம் குறையவில்லை. நேற்றைய போட்டியில் 8 பந்துகளை சந்தித்த தோனி 2 சிக்ஸர்கள், 1 பவுண்டரி என 21 ரன்களை கடைசி நேரத்தில் சேர்த்தார். இதே போல டுவைன் பிராவோ 2.4 ஓவர்கள் வீசி 2 விக்கெட்டுகளை கைப்பற்றி அசத்தினார்.