அடாவடி பராக்
நடுவரிடம் கோபப்படுவது, கேட்ச் பிடித்தால் பந்தை வைத்து செல்ஃபி எடுப்பது, எதிரணி வீரர்களை வம்பிழுப்பது, சக அணி வீரர்களையே முறைப்பது, பேட்டிங் செய்ய வரும் போது சச்சின் சாதனையை முறியடித்தவாறு, பாவ்லா காட்டுவது என ரியான் பராக் களத்தில் செய்த அடாவடி கொஞ்சம், நஞ்சம் அல்ல.
183 ரன்கள்
ரியான் பராக்கிற்கு முன்னாள் வீரர்கள் அறிவுரை சொன்னால், அதற்கு பதிலடி தருவது போல் இன்ஸ்டாவில் பதிவிடுவது என செய்து வந்தார். ஆனால் ரியான் பராக் நடப்பு சீசனில் 14 இன்னிங்ஸ் விளையாடி 183 ரன்கள் மட்டுமே அடித்துள்ளார். ஸ்ட்ரைக் ரேட் 138 ஆகும். இறுதிப் போட்டியில் கூட ரியான் பராக் பேட்டிங்கில் சொதப்பினார்.
ரியான் பராக் பதிலடி
இதனால் ரியான் பராக்கை ரசிகர்கள் விமர்சித்த நிலையில், தற்போது சமூக வலைத்தளத்தில் மீண்டும் பதிவு போட்டு பதிலடி தந்துள்ளார். அதில், சில சமயம், நாம் பின்நோக்கி பார்த்து சிரிக்க தான் முடியும். உலகம் உங்களை பார்த்து என்ன வேண்டுமானாலும் நினைத்து கொள்ளட்டும்.ஆனால் நீங்கள் சிரியுங்கள். ஒவ்வொரு இரவும் படுக்கைக்கு செல்லும் போது 100 சதவீதம் நீங்கள் உங்கள் உழைப்பை கொடுத்துள்ளீர்கள் என்று நினைத்து சிரியுங்கள்.
என்ன பிரச்சினை?
எல்லாம் விஷயங்களும் நல்லதாகவே நடக்கும். கடந்த காலத்தில் செய்ய முடியவில்லையே என்று நினைத்து சிரிப்பதை மறந்துவிடாதீர்கள். எதிர்காலத்தில் நினைத்ததை செய்ய முடியும் என்று நினைத்து சிரியுங்கள். அதுவரை, பொறுத்து இருங்கள் என்று ரியான் பராக் பதிவு போட்டுள்ளார். தோனியை போல் ஐபிஎல் மட்டுமல்ல இந்தியாவுக்காகவும் பினிஷராக இருப்பேன் என்று ரியான் பராக் கூறியது ரசிகர்களிடையே விமர்சனத்தை பெற்றது.