ஆர்சிபி அணியை வெளுத்து வாங்கிய சச்சின் பட்லருக்கு இப்படி பந்துவீசி இருக்கனும்.. டெண்டுல்கர் அட்வைஸ்

நல்ல ஸ்கோர் கிடையாது

அடுத்த பந்திலேயே ஹசரங்கா விக்கெட்டையும் சூப்பராக பந்துவீசி வீழ்த்தியதாக சச்சின் பாராட்டினார். அகமதாபாத் ஆடுகளத்தில் 157 ரன்கள் என்பது போதுமான ஸ்கோர் கிடையாது என்று சச்சின் அறிவுறுத்தினார். பந்து ஒரே ஒரு திசையில் மட்டும் நகர்ந்தால் பந்தை அடிக்காமல் எளிதில் விட்டு விடலாம். ஆனால் பிரசித் ஒரு பந்தை ஸ்டம்பை நோக்கி போட அது விராட் கோலியின் காலில் பட்டது.

பட்டிதார், கிருஷ்ணாவுக்கு பாராட்டு

இதனால் அடுத்த பந்தை விட பேட்ஸ்மேன்கள் யோசிப்பார்கள், அந்த நேரத்தில் நல்ல பவுன்சாகவும், அதே நேரம் ஸ்டம்ப்க்கு வெளியேயும் பந்துவீசியதால் அதனை அடிக்க முற்பட்டு கோலி ஆட்டமிழந்தவிட்டதாக சச்சின் குறிப்பிட்டார். ஆடுகளம் வேகத்துக்கும், பவுன்ஸ்க்கும் சாதகமாக இருக்கும் போது அடிப்பது சிரமம்.ஆனால் பிரசித் கிருஷ்ணா ஓவரில் 2 பவுண்டரியை அடித்தார் ரஜத் பட்டிதார். அமைதியாக களத்தில் நின்று அவர் செயல்பட்டது எனக்கு பிடித்தது.

சிராஜ் செய்த தவறு

முகமது சிராஜ் பந்துவீச்சை ஜெய்ஷ்வால் அடித்த விதம், பட்லருக்கு கொஞ்சம் சுதந்திரம் கொடுத்திருக்கும். அதன் பிறகு தான் சிராஜ் பந்துவீச்சை பட்லர் அடிக்க ஆரம்பித்தார். இந்த இடத்தில் தான் சிராஜ், ஒரு தவறு செய்துவிட்டார். சிராஜ் ஒரு அவுட் ஸ்விங் பந்தை பட்லருக்கு வீசி இருக்க வேண்டும். ஆனால் அவர் தொடர்ந்து கிராஸ் சீம் பந்தை இன் கட்டர்சாக போட்டு வாய்ப்பை வீணடித்துவிட்டார்.

தேவையில்லாத ஷாட்

பட்லர் ரன் அடிக்க தொடங்கிவிட்டால் பார்ப்பதற்கு அவ்வளவு ஆனந்தமாக இருக்கும். பட்லர் ஒரு 360 டீகிரி வீரர். பேட்டை நன்றாக விளாசுவார். பார்ட்னர்ஷிப்பையும் உருவாக்குவதில் வல்லவர். சஞ்சு சாம்சன் ஹசரங்கா ஓவரில் தேவையில்லாத வகையில் ஒரு ஷாட் ஆடி அவுட்டாகி இருக்கிறார். அவர் அதனை ஆடாமல் இருந்திருந்தால் போட்டி இன்னும் சீக்கிரமே முடிந்திருக்கும்.