ஓல்ட் ட்ராபோர்டு : இங்கிலாந்தில் நடைபெற்று வரும் கவுண்டி சாம்பியன்ஷிப் தொடரில் விளையாடி வரும் ஜோ ரூட், லேன்காஷயர் அணிக்கு எதிரான போட்டியில் ஐந்து ரன்கள் கொடுத்து நான்கு விக்கெட்களை எடுத்தார். இதுவே, ஜோ ரூட்டின் சிறப்பான பந்து வீச்சாகும்.
இன்னும் சில தினங்களில் இந்திய அணிக்கு எதிரான டெஸ்ட் தொடர் தொடங்க உள்ள நிலையில், இங்கிலாந்து வீரர்கள் பெரும்பாலானோர் உள்ளூர் கிரிக்கெட் தொடரான கவுன்டி சாம்பியன்ஷிப் போட்டிகளில் விளையாடி வருகின்றனர். இந்த “நான்கு நாள் போட்டிகள்” தொடரில் விளையாடி டெஸ்ட் போட்டிகளுக்கு ஏற்றவாறு தங்களை தயார்படுத்தி வருகின்றனர்.