தரவரிசையில் முதலிடம் பெற்ற பும்ரா
இந்திய வேகப்பந்து வீச்சாளர் ஜஸ்பிரீத் பும்ரா தொடர்ந்து தனது சிறப்பான பந்துவீச்சால் ஒருநாள் சர்வதேச போட்டிகளில் முதலிடத்திலும் டெஸ்ட் போட்டிகளில் 5வது இடத்தையும் பிடித்துள்ளார்.
பேபி பௌலர் என விமர்சனம்
இந்நிலையில் பாகிஸ்தானின் ஆல்-ரவுண்டர் அப்துல் ரசாக், பும்ரா ஒரு பேபி பௌலர் என விமர்சித்துள்ளார். வசிம் அக்ரம், மெக்கிராத் உள்ளிட்ட பௌலர்களுடன பணியாற்றிய தான் தற்போது இருந்திருந்தால், அவரை எளிதாக வீழ்த்தியிருப்பேன் என்றும் விமர்சித்திருந்தார்.
|
"ஆண்டின் மிகச்சிறந்த நகைச்சுவை"
இதையடுத்து நெட்டிசன்கள் குறிப்பாக இந்திய ரசிகர்கள், ரசாக்கை கலாய்த்து தள்ளினர். பும்ரா ஒரு பேபி பௌலர் என்று தெரிவித்த ரசாக்கின் கருத்து இந்த ஆண்டின் மிகச்சிறந்த நகைச்சுவை என்று அவர்கள் குறிப்பிட்டனர்.
|
வம்பு பேச வேண்டாம்
மேலும் ஓய்வு காலத்தை அப்துல் ரசாக் அமைதியாக கழிக்க வேண்டும் என்றும், இத்தகைய வம்பு பேச்சுக்களை தவிர்க்க வேண்டும் என்றும் அவர்கள் தெரிவித்துள்ளனர்.
|
உலக கோப்பையில் விக்கெட்
கடந்த 2011ல் நடைபெற்ற உலகக கோப்பையில் மிதமான மணிக்கு 116 வேகத்தில் இந்திய வீரர் முனாப் படேல் வீசிய பந்தில் அப்துல் ரசாக் தனது விக்கெட்டை பறிகொடுத்து வெளியேறியதையும் ரசிகர்கள் சுட்டிக் காட்டியுள்ளனர்.