மெல்போர்ன் : கிரிக்கெட் ஆஸ்திரேலியாவின் தேர்வுக் குழுவில் ஏற்பட்ட மாற்றத்திற்கு பின், அதிகாரம் மிக்கவராக ஜஸ்டின் லாங்கர் முன்னேறியுள்ளார். தற்போது அணியின் பயிற்சியாளராகவும் இவரே இருக்கும் நிலையில், இவரது அதிகாரம் பெருகி வருவது, பலரது புருவத்தை உயர்த்தி உள்ளது.
ஆஸ்திரேலியாவின் தேர்வுக் குழு உறுப்பினர்களாக, மார்க் வாக், ட்ரெவர் ஹான்ஸ் மற்றும் கிரேக் சாப்பல் இருந்து வந்தனர். இதில் டி20 அணியை தேர்வு செய்யும் பொறுப்பில் இருந்த மார்க் வாக், கடந்த மே மாதம் பதவி விலகினார். அவரது இடம் காலியாக இருந்த நிலையில், தற்போது அணியின் பயிற்சியாளர் ஜஸ்டின் லாங்கர் அந்த இடத்திற்கு நியமிக்கப்பட்டுள்ளார்.