ஆரம்பத்திலிருந்தே டெல்லிக்காக
ஆரம்பத்திலிருந்தே டெல்லிக்காக ஆடி வருபவர் திணேஷ் கார்த்திக். டோணியை சென்னை சூப்பர் கிங்ஸ் அணியின் கேப்டனாக்கியதால் திணேஷை, சென்னை அணி நிராகரித்து விட்டது.
டெல்லிக்காக கலக்கியவர்
சொந்த மண்ணின் சொந்த அணியால் நிராகரிக்கப்பட்டாலும் கூட டெல்லி அணிக்காக கலக்கலாக ஆடியவர் திணேஷ் கார்த்திக். தனது திறமையை மேலும் பளிச்சிட ஐபிஎல்லைப் பயன்படுத்திக் கொண்டார்.
மீண்டும் டெல்லிக்கே
கடந்த 6 தொடர்களிலும் டெல்லியுடன் இணைந்து விளையாடிய திணேஷ் கார்த்திக் உள்ளிட்ட டெல்லி அணியின் அத்தனை வீரர்களும் இந்த முறை அணியிலிருந்து கழற்றி விடப்பட்டனர். ஆனால் தற்போது மீண்டும் அவரை அணியில் எடுத்துள்ளனர்.
ரூ. 12 கோடிக்கு
ரூ. 12 கோடிக்கு திணேஷ் கார்த்திக்கை டெல்லி அணி வாங்கியுள்ளது. இதன் மூலம் அணியின் முக்கிய நட்சத்திர வீரராக உருவெடுத்துள்ளார் திணேஷ். அனேகமாக அவருக்கு கேப்டன் பொறுப்பு கிடைக்கலாம் என்ற எதிர்பார்ப்பும் உள்ளது.
பஞ்சாபுக்கு திசரா பெரைரா
இலங்கை வீரர் திசரா பெரைராவை கிங்ஸ் லெவன் பஞ்சாப் அணி ரூ. 1.6 கோடிக்கு எடுத்துள்ளது.
யூசுப் பதானைத் தக்க வைத்த கொல்கத்தா
கொல்கத்தா நைட் ரைடர்ஸ் அணி ஆல் ரவுண்டர் யூசுப் பதானை ரூ. 3.25 கோடிக்கு தக்க வைத்துக் கொண்டது.
ஸ்டீவன் ஸ்மித் ராஜஸ்தானுக்கு
ஆஸ்திரேலிய வீரர் ஸ்டீவன் ஸ்மித் ரூ. 4 கோடிக்கு ராஜஸ்தான் ராயல்ஸ் அணிக்குப் போயுள்ளார்.
பெங்களூருக்கு மாறிய பார்த்திவ் படேல்
இதுவரை சன் ரைசர்ஸ் ஹைதராபாத் அணிக்காக ஆடி வந்த பார்த்திவ் படேல் இந்த முறை பெங்களூர் ராயல் சேலஞ்சர்ஸ் அணியால் ரூ. 1.40 கோடிக்கு வாங்கப்பட்டுள்ளார்.
சாஹாவுக்குப் பஞ்சாப்
விருத்திமான் சாஹா பஞ்சாப் அணியால் ரூ. 2.2 கோடிக்கு வாங்கப்பட்டுள்ளார்.