ராகுல் காயம்
இதனால் கடந்த ஆண்டு இங்கிலாந்து தொடரில் 350 ரன்களுக்கு மேல் அடித்த கேஎல் ராகுல் தற்போது இம்முறை இடம்பெறவில்லை. தற்போது ஜெர்மனி சென்றுள்ள கேஎல் ராகுலுக்கு அறுவை சிகிச்சை மேற்கொள்ளபட்டது. இதனால் 4 மாதங்கள் ராகுல் ஓய்வில் இருப்பார் என்பதால், டி20 உலககோப்பையில் பங்கேற்பது சந்தேகமானது.
கடினமான வாரங்கள்
இதனிடையே, கேஎல் ராகுல் தனது உடல் நிலை குறித்து சமூக வலைத்தளத்தில் பதிவு ஒன்றை வெளியிட்டுள்ளார். அதில், கடந்த 2 வாரம் எனக்கு மிகவும் கடினமாக இருந்தது. எனக்கு நடத்தப்பட்ட அறுவை சிகிச்சை வெற்றி அடைந்துவிட்டது. தற்போது காயம் குணமடைந்து வருகிறது. உடல் நலம் தேறி வருகிறேன்.
45 நாட்கள் ஓய்வு
உடல் தகுதியை மீட்கும் பயணம் இன்றுடன் தொடங்கி வருகிறது. எனக்காக பிரார்த்தனை செய்த அனைவருக்கும் நன்றி. விரைவில் மீண்டும் உங்களை சந்திக்கிறேன் என்று கூறியுள்ளார். இதன் மூலம் கேஎல் ராகுல் முழு உடல் தகுதியை பெற 45 நாட்கள் முதல் 60 நாட்கள் வரை ஆகும் என எதிர்பார்க்கப்படுகிறது. இதன் மூலம் இங்கிலாந்து தொடர் ,வெஸ்ட் இண்டீஸ் தொடரில் ராகுல் பங்கேற்க மாட்டார் என தெரிகிறது.
ஆசிய கோப்பை தொடர்
தற்போது கேஎல் ராகுல், ஆசிய கோப்பை டி20 தொடரில் குறிவைத்து , அந்த தொடரில் திரும்புவார் என எதிர்பார்க்கப்படுகிறது. கேஎல் ராகுல் இல்லாத தொடரில், அவருக்கு பதிலாக இஷான் கிஷன் அல்லது சஞ்சு சாம்சன் ஆகியோர் பங்கேற்பார் என தெரிகிறது. இதனால் டி20 உலகக் கோப்பைக்கான இந்திய அணியில் கேஎல் ராகுல் இடம்பெறுவது அவ்வளவு எளிதான காரியம் கிடையாது.