8 ரன்கள்
இந்த தொடரில் மாலத்தீவு மகளிர் அணி படுமோசமான ஆட்டத்தை வெளிப்படுத்தி வருகிறது. தன் முதல் போட்டியில் நேபாள அணிக்கு எதிராக 16 ரன்கள் மட்டுமே எடுத்த அந்த அணி, இந்த முறை வெறும் 8 ரன்கள் மட்டுமே எடுத்தது.
டக் அவுட் ஆனார்கள்
அந்த 8 ரன்களில் 7 ரன்கள் வைடு பந்துகள் மூலம் கிடைத்தவை. ஒரே ஒரு மாலத்தீவு வீராங்கனை மட்டும் 1 ரன் எடுத்தார். மற்ற 9 வீராங்கனைகள் டக் அவுட் ஆகி பரிதாபத்தை சந்தித்தனர்.
4 விக்கெட்கள் வீழ்த்திய அஞ்சலி
முதல் சந்திப்பில் மாலத்தீவு அணியின் 6 விக்கெட்களை ஒரு ரன் கூட விட்டுக் கொடுக்காமல் வீழ்த்தி உலக சாதனை செய்த அஞ்சலி சந்த், இந்தப் போட்டியில் 1 ரன் கொடுத்து 4 விக்கெட்கள் வீழ்த்தினார்.
16 பந்துகள் சந்தித்தார்
11.3 ஓவர்கள் வரை தாக்குப் பிடித்த மாலத்தீவு அணி 8 ரன்கள் எடுத்து ஆல் - அவுட் ஆனது. அந்த அணியின் கேப்டன் சூனா மரியம் 16 பந்துகள் சந்தித்து ஒரு ரன் கூட எடுக்காமல் ஆட்டமிழந்தார். அதுதான் அந்த அணியில் ஒருவர் சந்தித்த அதிக பந்துகள் ஆகும்.
மோசமான தோல்விகள்
அடுத்து ஆடிய நேபாள அணி 1.1 ஓவரில் 9 ரன்கள் எடுத்து வெற்றி இலக்கை எட்டியது. மாலத்தீவு அணி, நேபாள அணிக்கு எதிரான இரு போட்டிகள் மட்டுமல்லாது, மற்ற அணிகளுக்கு எதிராக நடந்த போட்டிகளிலும் மோசமான தோல்விகளை சந்தித்தது.
இலங்கை அணிக்கு எதிராக..
இலங்கை அணிக்கு எதிரான போட்டியில் 20 ஓவரில் 279 ரன்கள் விட்டுக் கொடுத்து, வெறும் 30 ரன்கள் எடுத்து 249 ரன்கள் வித்தியாசத்தில் தோல்வி அடைந்தது மாலத்தீவு அணி.
வங்கதேச அணிக்கு எதிராக தோல்வி
மாலத்தீவு அணி அடுத்த போட்டியில் வங்கதேச மகளிர் அணிக்கு எதிராக 255 ரன்கள் விட்டுக் கொடுத்தது. அடுத்து சேஸிங்கில் வெறும் 6 ரன்கள் மட்டுமே எடுத்து இந்தப் போட்டியிலும் 249 ரன்கள் வித்தியாசத்தில் தோல்வி அடைந்தது.