நீக்கம்
இந்தியாவிற்கு எதிரான டெஸ்ட் தொடரில் மோசமாக ஆடிய ஆஸ்திரேலியாவை சேர்ந்த முக்கியமான வீரர் மேத்யூ வேட் ஆஸ்திரேலிய அணியில் இருந்தே நீக்கப்பட்டு இருக்கிறார். ஆஸ்திரேலியா தென்னாப்பிரிக்கா இடையில் அடுத்த மாதம் நடக்க உள்ள டெஸ்ட் தொடரில் இருந்து இவர் நீக்கப்பட்டு உள்ளார். அணி தேர்வில் இது பெரிய பரபரப்பை ஏற்படுத்தி உள்ளது.
பரபரப்பு
ஆஸ்திரேலியா அணி அடுத்த மாதம் தென்னாப்பிரிக்காவிற்கு சுற்றுப்பயணம் மேற்கொள்ள உள்ளது. மூன்று டெஸ்ட் போட்டிகள் இதில் நடக்கும். இந்த டெஸ்ட் தொடரில் இருந்துதான் தற்போது மேத்யூ வேட் நீக்கப்பட்டுள்ளார். இந்தியாவிற்கு எதிரான டெஸ்ட் தொடரில் மேத்யூ வேட் சரியாக ஆடவில்லை.
ஆடவில்லை
மொத்தம் 4 போட்டிகளில் சராசரியாக இவர் 21 ரன்கள் மட்டுமே எடுத்தார். எந்த போட்டியிலும் அரைசதம் அடிக்கவில்லை. முக்கியமான நேரத்தில் கூட அணிக்காக ஆடவில்லை. ஷாட் தேர்விலும் மேத்யூ வேட் மோசமாக சொதப்பினார்.
சொதப்பல்
இதனால் கடுமையான விமர்சனத்திற்கு உள்ளானார். தனது விளையாட்டு மீது கவனம் செலுத்தாமல் இந்திய வீரர்களை ஸ்லெட்ஜ் செய்வதில் அதிக கவனம் செலுத்தினார். இந்திய வீரர்கள் ஒவ்வொருவரையும் தனித்தனியாக சீண்டினார்.
கவனம்
ஆனால் இவர் தனது தனிப்பட்ட ஆட்டம் மீது கவனம் செலுத்தவில்லை. இதன் காரணமாக தற்போது டெஸ்ட் அணியில் இவர் வாய்ப்பை இழந்துள்ளார். நியூசிலாந்துக்கு எதிரான டி 20 தொடரில் மட்டுமே மேத்யூ வேட் வாய்ப்பு பெற்றுள்ளார். டெஸ்ட் அணிக்கு இவர் மீண்டும் திரும்புவது கடினம் என்று கூறப்படுகிறது.