Click it and Unblock the Notifications
ரொம்பக் கஷ்டம்
பல்வேறு தலைமுறை வீரர்களை ஒப்பிட்டுப் பார்ப்பது ரொம்பக் கஷ்டமான விஷயம். இருப்பினும் கடந்த பத்து ஆண்டுகளில் யார் அபாரமான வீரர் என்றால் அது மெஸ்ஸிதான்.
செம ஸ்டைல்
ரொனால்டோ முன்களத்தில் சிறப்பாக ஆடுகிறார் என்றால் மெஸ்ஸி பல்வேறு வகையான திறமைகளுடன் அனைத்து நிலைகளிலும் அசத்தலாக ஆடுவார்.
இரண்டு பேரும் பெஸ்ட்தான்
எனது தலைமையில் அணி அமைந்தால் இந்த இரண்டு வீரர்களையும் அதில் சேர்க்கவே நான் விரும்புவேன். காரணம், இருவருமே சிறந்த வீரர்கள்தான்.
நெய்மாரை மறந்துடாதீங்க
எங்களிடமே ஒரு திறமையாளர் இருப்பதையும் மறந்து விடக் கூடாது. நெய்மாருக்கு மிகச் சிறந்த எதிர்காலம் உள்ளது. அவரும் சிறப்பான வீரர்தான்.
போட்டி மிகுந்த உலகம்
இப்போது கால்பந்து உலகம் மிகுந்த போட்டிகளுடன் கூடியதாக உள்ளது. எனவே கால்பந்து விளையாட வாய்ப்பு கிடைத்தாலே அது கடவுள் கொடுத்த வரம்தான். இன்று என்றில்லை, எங்களது காலத்திலும் கூட போட்டி கடுமையாகவே இருந்தது.
திறமை மட்டும்தான்
கால்பந்து விளையாட்டில் திறமை மட்டுமே எடுபடும். வேறு எதற்குமே அங்கு வேலை இல்லை. கால்பந்து மீதான ஆர்வம் என்னைப் போன்ற பழையவர்களிடம் இன்னும் அப்படியேதான் உள்ளது. அது போகாது.
பிரேசிலில் சிறந்த வீரர்கள்
பிரேசில் நாட்டில் மிகச் சிறந்த கால்பந்து வீரர்கள் உள்ளனர். தனிப்பட்ட முறையில் திறமை படைத்தவர்கள் பலரும் உள்ளனர். ஆனால் கால்பந்து என்பது குழு விளையாட்டு.
பழைய பிரேசிலாக இல்லை
இருப்பினும் பழைய பிரேசில் அணியாக தற்போதைய அணி இல்லை என்பதை மறுக்க முடியாது. காரணம், அணியில் நிலவும் சூழல் அப்படி. நல்ல வீரர்கள் இருக்கத்தான் செய்கின்றனர். ஆனால் ஒரு அணியாக அவர்கள் வெற்றி பெற தவறி விடுகிறார்கள். அனைவரும் சேர்ந்து விளையாடினால் மட்டுமே வெற்றி சாத்தியம். துரதிர்ஷ்டவசமாக அது இல்லாமல் போய் விட்டது என்றார் பீலே.
