தயார்
மும்பை இந்தியன்ஸ் அணி கடந்த ஆண்டில் ஐந்தாம் இடம் மட்டுமே பிடித்து பிளே-ஆஃப் செல்லும் வாய்ப்பை இழந்தது. இந்நிலையில், அந்த அணி 2019 ஐபிஎல் தொடரில் வெற்றிகரமாக துவக்க தயாராகி வந்தது.
அனுபவம் + இளமை
அணியில் அனுபவ வீரர்களும், இளம் வீரர்களும் ஒருங்கே இருப்பது தான் சரியான முடிவு என நினைத்த மும்பை அணி, டெல்லி அணிக்கு எதிரான தன் முதல் ஐபிஎல் போட்டியில் அனுபவ யுவராஜ் சிங் மற்றும் 17 வயது அறிமுக வீரர் ராசிக் சலாம் ஆகிய இருவரையும் களம் இறக்கி உள்ளது.
யுவராஜ் சிங்
யுவராஜ் சிங் பார்ம் அவுட், வயதாகி விட்டது, முன்பு இருந்த துடிப்பு இல்லை என பல காரணம் சொன்னாலும் அவருக்கு அணியில் வாய்ப்பு அளித்துள்ளது மும்பை. இதுவே மும்பை இந்தியன்ஸ் அணிக்காக யுவராஜ் சிங் ஆடும் முதல் ஐபிஎல் போட்டி.
ராசிக் சலாம் அறிமுகம்
ஜம்மு காஷ்மீரை சேர்ந்த 17 வயது இளம் மிதவேகப் பந்துவீச்சாளர் ராசிக் சலாம்-ஐ ஐபிஎல் போட்டியில் அறிமுகம் செய்த பெருமையையும் பெற்றுள்ளது மும்பை இந்தியன்ஸ்.