வெளி வரும் திறமைகள்
தற்போது கிரிக்கெட் போட்டிகள் இல்லை. வீட்டிலேயே முடங்கிக் கிடக்கும் நிலை வேறு. இதனால் தனது திறமைகளை வெளியே எடுத்து விட ஆரம்பித்துள்ளார் ஷமி. சமையல் செய்வதில் தனக்குள்ள ஆர்வம் குறித்து கடந்த வாரம் சொல்லியிருந்தார். தற்போது தனது இன்னொரு திறமையை வெளிப்படுத்தியுள்ளார். அதுதான் ஓவியம் வரைவது.
View this post on InstagramTrying out some sketches after years...how do you think about the “The Artist Shami”? 😅
A post shared by Mohammad Shami , محمد الشامي (@mdshami.11) on
ஓவியம் வரைந்து வீடியோ
இதுதொடர்பாக இன்ஸ்டாகிராமில் ஒரு வீடியோ போட்டுள்ளார் ஷமி. அதில் தான் நீண்ட காலத்திற்குப் பிறகு ஓவியம் வரைவதில் ஈடுபட்டுள்ளதாக குறிப்பிட்டுள்ளார். மேலும் தி ஆர்ட்டிஸ்ட் ஷமி என்றும் அதற்கு கேப்ஷன் போட்டுள்ளார். தனது ஓவியத் திறமை குறித்து என்ன நினைக்கறீங்க என்றும் தனது ரசிகர்களிடம் ஷமி கேட்டுள்ளார்.
நிறைய திறமைகள்
ஷமியிடம் இன்னும் என்னென்ன திறமைகள் எல்லாம் ஒளிஞ்சிருக்கோன்னு தெரியலை. மனைவியுடன் மோதல் உள்ளிட்ட சர்ச்சைகளில் சிக்கினாலும் கூட தனது பந்து வீச்சில் கொஞ்சம்கூட சோடை போகாமல் திறமையை முழுமையாக வெளிக் கொண்டுவந்து தான் ஒரு அபாரமான புரபஷனல் என்று நிரூபித்தவர் ஷமி என்பது நினைவிருக்கலாம். இப்போது தனது லாக்டவுன் பொழுது போக்கையும் கூட ஆக்கப்பூர்வமாக அவர் கடத்தி வருவது பாராட்ட வேண்டிய ஒன்றுதான்.
ஐபிஎல்லுக்காக ஆர்வத்துடன் காத்திருப்பு
ஐபிஎல் தொடரில் கிங்ஸ் லெவன் பஞ்சாப் அணிக்காக ஆடி வருகிறார் ஷமி. இந்த சீசனிலும் தனது பிரமாதமான பந்து வீச்சை வெளிப்படுத்தக் காத்திருந்தார். ஆனால் கொரோனாவைரஸ் பரவலால் போட்டித் தொடர் தள்ளிப் போய் விட்டது. எல்லா வீரரையும் போலவே ஐபிஎல் தொடருக்காக ஆர்வமாக காத்திருக்கிறார் ஷமி.. அதுவரை ஓவியங்கள் குவியட்டும்.