இந்திய அணிக்குள் எப்படி?
மொஹம்மத் சிராஜ் சமீபத்தில் நடந்த முதல் தர கிரிக்கெட் போட்டி தொடரில் ஆஸ்திரலியா ஏ மற்றும் தென்னாபிரிக்கா ஏ அணிகளுக்கு எதிராக இரண்டு போட்டிகளில் பத்துக்கும் அதிகமான விக்கெட்கள் வீழ்த்தி அசத்தினார். அதை அடுத்தே அவருக்கு இந்திய டெஸ்ட் அணியில் வாய்ப்பு கிடைத்துள்ளது.
அடுத்த கட்டதுக்கு போன பந்துவீச்சு
ஏற்கனவே, இந்திய டி20 அணியில் ஆடிய போது தோனி மற்றும் கோலி ஆகியோரது யோசனைகள் தனக்கு உதவியதாக கூறினார். குறிப்பாக தோனி கூறிய ஒரு யோசனை தன் பந்துவீச்சை அடுத்த கட்டத்துக்கு எடுத்து சென்று விட்டதாக குறிப்பிட்டார்.
தோனி சொன்ன அறிவுரை
தோனி சொன்ன அறிவுரை இதுதான். "பேட்ஸ்மேன் தன் கால்களை எப்படி நகர்த்தி ஆடுகிறார் என பார்க்க வேண்டும். அதற்கேற்ப லைன் மற்றும் லென்த் மாற்றி வீச வேண்டும்" என கூறி இருக்கிறார். இது தன் பந்துவீச்சையே மாற்றி விட்டதாக கூறினார் சிராஜ்.
கோலியால் முதல் விக்கெட்
அதே போல, தன் முதல் டி20யில் ஆடிய போது, கேன் வில்லியம்சனுக்கு பந்து வீசும் போது கோலி அறிவுரை கூறி இருக்கிறார். அதன்படி வீசிய சிராஜ் தன் முதல் சர்வதேச விக்கெட்டாக சிறந்த பேட்ஸ்மேனான வில்லியம்சன் விக்கெட்டை வீழ்த்தி அசத்தினார்.