260 விக்கெட்டுகள்
அவரது பெயர் ரஹீம் கார்ன்வால். வயது 26. 6.6 அடி உயரம், 140 எடை கொண்டவர். உள்ளூர் டி 20 போட்டிகளில் இமாலய சிக்சர்களை பறக்க விட்டவர் கார்ன்வால். பேட்டிங் மட்டுமல்ல... பவுலிங்கிலும் ஒரு கை பார்த்தவர். சிறந்த ஆல்ரவுண்டராக உள்ளார். இதுவரை 55 முதல் தர கிரிக்கெட் போட்டிகளில் விளையாடி2,224 ரன்கள் எடுத்துள்ளார். 260 விக்கெட்களையும் சாய்த்திருக்கிறார்.
பயிற்சியில் கலக்கியவர்
2017ம் ஆண்டு இந்தியாவுக்கு எதிரான பயிற்சி ஆட்டத்தில், முன்னணி வீரர்களான புஜாரா, கோலி, ரஹானே உள்ளிட்ட 5 விக்கெட்களை கைப்பற்றி அசத்தினார் கார்ன்வால். இதுவரை உடல் தகுதியை நிரூபிக்க முடியாமல் திணறி வந்த அவர், உடல் தகுதியை நிரூபித்து, வரும் 22-ம் தேதி துவங்கும் இந்திய அணிக்கு எதிரான டெஸ்ட் கிரிக்கெட் தொடரில், கார்ன்வால் இடம்பெற்றிருக்கிறார்.
புதிய சாதனை
இந்த டெஸ்ட் போட்டியில் கார்ன்வால் களம் இறங்கினால், சர்வதேச கிரிக்கெட் போட்டியில் விளையாடும் மிகப்பெரிய வீரர் என்ற அரிய சாதனையை படைப்பார். பேட்டிங்கிலும், பந்துவீச்சிலும் மிரட்டும் கார்ன்வால் இந்திய அணிக்கு நிச்சயம் நெருக்கடி கொடுப்பார்.
உடல்எடை குறைப்பு?
மேலும் டெஸ்ட் போட்டியில் தேர்வான பிறகு, தொடர் முடிந்தவுடன் எடையை குறைப்பதற்கான பயிற்சிகளையும் கார்ன்வால் மேற்கொண்டு வருவதாக தகவல்கள் வெளியாகியுள்ளன. இந்தியா அணிக்கு எதிரான முதல் டெஸ்ட் போட்டியில் கார்ன்வால் களமிறங்கினால், சர்வதேச கிரிக்கெட் போட்டியில் விளையாடும் அதிக உடல் எடை கொண்ட வீரர் என்ற பெருமையை பெறுவார்.