Click it and Unblock the Notifications
நடராஜன்
இந்த போட்டியின் தொடக்கத்தில் நடராஜன் பவுலிங் செய்த விதம் பெரிய அளவில் ஈர்க்கும்படியாக இல்லை. டெஸ்ட் போட்டி என்பதாலோ என்னவோ நடராஜன் சிறப்பாக பவுலிங் செய்யவில்லை. நடராஜனின் பவுலிங் நல்ல லென்த் மற்றும் லைனில் இருந்தது.அதில் நடராஜன் எதுவும் தவறு செய்யவில்லை.
அறிமுகம்
ஆனால் நடராஜனின் பவுலிங்கில் முதல் பாதியில் பெரிய அளவில் வேரியேஷன் இல்லை. அதோடு ரன்னை கட்டுப்படுத்தும் வகையில் நடராஜன் பவுலிங் செய்தாரே ஒழிய, விக்கெட் எடுக்கும் வகையில் நடராஜன் பவுலிங் செய்யவில்லை. முதல் 50 ஓவர்களில் நடராஜன் போட்ட பெரும்பாலான ஓவர்கள் விக்கெட் எடுக்கும் வகையில் இல்லை.
லென்த்
இந்த நிலையில்தான் நடராஜன் போக போக தனது பவுலிங் லென்தை மாற்றினார். திடீரென ஷார்ட் பந்துகளை நடராஜன் வீச தொடங்கினார். வரிசையாக ஒரே ஓவரில் நிறைய ஷாட் பந்துகளை நடராஜன் வீச தொடங்கினார். முக்கியமாக மார்னஸ், வேட் இருவரும் ஷாட் பந்தில் அவுட்டாவார்கள் என்பதால் அவர்களுக்கு மாறி மாறி ஷாட் பந்துகளை நடராஜன் வீசினார்.
இரண்டு விக்கெட்
அதிலும் இவர் டீ பிரேக்கிற்கு பின் வித்தியாசமாக பவுலிங் செய்தார். விளைவு வரிசையாக அடுத்தடுத்து இரண்டு விக்கெட்டுகள் விழுந்தது. அடுத்தடுத்து வேட், மார்னஸ் இருவரும் அவுட் ஆனார்கள். இரண்டு பேருமே நடராஜனின் ஷாட் பந்தில்தான் கேட்ச் கொடுத்து அவுட்டானார்கள் . அதிலும் மார்னஸ் அவுட்டான விதம் அவருக்கே அதிர்ச்சி அளிக்கும் வகையில் இருந்தது.
தொடக்கம் மோசம்
ஆட்டத்தின் தொடக்கத்தில் அழுத்தம் காரணமாக நிறைய லோ பால், ஸ்லோ பந்துகளை நடராஜன் வீசி வந்தார். ஆனால் போக போக நடராஜன் தனது பழைய ஸ்டைலை மீட்டு கொண்டு வந்தார். இதன் பலனாக நடராஜன் 2 விக்கெட் எடுத்துள்ளார். இதனால் நாளைய போட்டியிலும் நடராஜன் பவுலிங் மேலும் சிறப்பாகஇருக்கும் என்று எதிர்பார்க்கப்படுகிறது.
