ஆட்டமிழப்பு
முதலில் அதிரடியாக ஆட முற்பட்ட நியூசிலாந்து அணி, பிறகு சுழற்பந்துவீச்சை எதிர்கொள்ள முடியாமல் திணறியது. 2 பவுண்டரிகளை அடித்த பின் ஆலன் 11 ரன்களில் சாஹ்ல் பந்துவீச்சில் ஆட்டமிழந்தார். இதனை தொடர்ந்து சிஎஸ்கே வீரர் கான்வேவும் 11 ரன்களில் வாசிங்டன் சுந்தர் பந்துவீச்சில் வெளியேறினார்.
தடுமாற்றம்
பெரிதும் எதிர்பார்க்கப்பட்ட அதிரடி வீரர் கிளன் பிலிப்ஸ் 5 ரன்களில் எடுத்த நிலையில், தீபக் ஹூடா பந்து வீச்சில் போல்ட் ஆனார். அதன் பிறகு குல்தீப் யாதவும் தன தாக்குதலை தொடுக்க கடந்த ஆட்டத்தில் அரைசதம் விளாசிய டேரல் மிட்செல், இந்த ஆட்டத்தில் 8 ரன்களில் போல்ட் ஆனார்.
நிலைக்குலைந்த நியூசி
பொறுப்பாக விளையாடிய மார்க் சாப்மன் 14 ரன்களில் எடுத்திருந்த போது ரன் அவுட் ஆனார். இதனையடுத்து அணியை சரிவிலிருந்து மீட்க பிராஸ்வெல் மற்றும் கேப்டன் சாண்டனர் கடுமையாக போராடினர். இதில் பிராஸ்வெல் 14 ரன்களில் வெளியேற, சோதி 1 ரன்னிலும், பெகுர்சன் டக் அவுட்டாகியும் வெளியேறினார்.
இந்தியா அபாரம்
கேப்டன் சாண்டனர் மட்டும் ஆட்டமிழக்காமல் 19 ரன்கள் சேர்க்க, நியூசிலாந்து அணி 20 ஓவர் முடிவில் 8 விக்கெட்டுகளை இழந்து 99 ரன்கள் எடுத்தது. இது இந்தியாவுக்கு எதிராக டி20 போட்டியில் நியுசிலாந்து பதிவு செய்த குறைந்தபட்ச ஸ்கோராகும். இந்திய பந்துவீச்சு தரப்பில் ஆர்ஸ்தீப் 2 விக்கெட்டுகளையும், சிவம் மவியை தவிர மற்ற அனைவரும் 1 விக்கெட்டுகளை வீழ்த்தினர்.