வார்னே அறிவிப்பு
ஆஸ்திரேலிய கிரிக்கெட் வாரியம் இன்னும் ஒரு வாரத்தில் தங்களுடைய உலக கோப்பை அணியை அறிவிக்கும் என எதிர்பார்க்கப்படுகிறது. இந் நிலையில் முன்னாள் சுழற்பந்து வீச்சு ஜாம்பவான் வார்னே, இங்கிலாந்து உலக கோப்பைக்கான அவரின் ஆஸ்திரேலிய அணியை தேர்வு செய்துள்ளார்.
அணியில் உள்ளவர்கள் விவரம்
வார்னே தேர்வு செய்துள்ள அணியில் இடம்பிடித்துள்ள வீரர்கள் விவரம்: டேவிட் வார்னர், ஆர்கி ஷார்ட், ஆரோன் பிஞ்ச், ஸ்டீவ் ஸ்மித், மேக்ஸ்வெல், ஸ்டாய்னிஸ், அலேக்ஸ் கேரி, கம்மின்ஸ், மிட்செல் ஸ்டார்க், ரிச்சர்ட்சன், ஆடம் ஜம்பா.
கவாஜா இல்லை
ரிசர்வ் வீரர்கள் விவரம்: ஷேன் மார்ஷ், நாதன் லயன், ஆஷ்டோன் டர்னர், கவுல்டர் நைல். இந்த 15 பேர் கொண்ட வார்னே கனவு அணி பட்டியலில் கவாஜா இடம்பெறவில்லை என்பது குறிப்பிடத்தக்கது.
முதல் ஆட்டம்
உலக கோப்பைக்காக மேக்ஸ்வெல் ஆரோன் பின்ச் உட்பட பல ஆஸ்திரேலிய வீரர்கள் நடப்பு ஐபிஎல்லில் பங்கேற்கவில்லை. தற்போது விளையாடி கொண்டிருக்கும் அனைத்து வீரர்களும் மே 10ம் தேதிக்குள் பயிற்சி முகாமுக்கு திரும்ப வேண்டும் என்று அறிவுறுத்தப்பட்டுள்ளது. ஆஸ்திரேலியா முதல் லீக் போட்டியில் ஜூன் 1ம் தேதி ஆப்கானிஸ்தானை பிரிஸ்டாலில் எதிர்கொள்கிறது.