திண்டுக்கல் வெற்றி
முன்னதாக, நேற்றைய முதல் போட்டியில் சேப்பாக்கம் சூப்பர் கில்லீஸ் மற்றும் திண்டுக்கல் டிராகன்ஸ் ஆகிய அணிகள் மோதின. அந்த போட்டியில் 10 ரன்கள் வித்தியாசத்தில் சேப்பாக்கம் சூப்பர் கில்லீஸை வீழ்த்தி திண்டுக்கல் டிராகன்ஸ் அபார வெற்றி பெற்றது.
116 ரன்கள் இலக்கு
முதலில் விளையாடிய திண்டுக்கல் டிராகன்ஸ் அணி நிர்ணயிக்கப்பட்ட 20 ஓவர்கள் முடிவில் 9 விக்கெட்டுகளை இழந்து 115 ரன்களை எடுத்தது. இதனையடுத்து, 116 ரன்கள் எடுத்தால் வெற்றி என்ற இலக்குடன் களமிறங்கிய சேப்பாக் சூப்பர் கில்லீஸ் அணிக்கு ஆரம்பம் முதலே அதிர்ச்சி காத்திருந்தது.
சேப்பாக்கம் திணறல்
திண்டுக்கல் அணியின் பந்துவீச்சை எதிர்கொள்ள முடியாமல் திணறினர். அடுத்தடுத்து விக்கெட்டுகளை இழந்ததால், போட்டியில் வெற்றி பெறுவதை விட, விக்கெட்டுகளை தக்க வைப்பதிலேயே ஆர்வம் காட்டினர்.
105 ரன்கள் தான் எடுத்தனர்
முடிவில் அந்த அணி, 20 ஓவர்கள் முடிவில் 9 விக்கெட்டுகளை இழந்து 105 ரன்களை மட்டுமே எடுத்து தோல்வியடைந்தது. கடைசியில் பெரியசாமி 7 ரன்னுடனும், அலெக் சாண்டர் 10 ரன்னுடனும் களத்தில் இருந்தனர்.
சிலம்பரசனுக்கு விருது
திண்டுக்கல் டிராகன்ஸ் அணியில் சிலம்பரசன் 4 விக்கெட்டுகளும், கவுசிக் மற்றும் முகமது ஆகியோர் தலா 2 விக்கெட்டுகளும் , அபினவ் 1 விக்கெட்டும் வீழ்த்தினர். இளம் பவுலர் சிலம்பரசன் ஆட்ட நாயகன் விருது பெற்றார்.