உலகின் பாதுகாப்பான இடங்களில் பாகிஸ்தானும் ஒன்று -சான்றிதழ் அளித்த கிறிஸ் கெயில்

தாக்கா : உலகின் பாதுகாப்பான இடங்களில் பாகிஸ்தானும் ஒன்று என்று மேற்கிந்திய தீவுகள் அணியின் பேட்ஸ்மேன் கிறிஸ் கெயில் சான்றிதழ் அளித்துள்ளார்.

வங்கதேசத்தில் நடைபெற்றுவரும் பங்களாதேஷ் பிரீமியர் லீக் தொடரில் சட்டோகிராம் சேலஞ்சர்ஸ் அணிக்காக விளையாடிவரும் கிறிஸ் கெயில் செய்தியாளர்களிடம் பேசுகையில் இதனை தெரிவித்துள்ளார்.

பாகிஸ்தானில் 10 ஆண்டுகளுக்கு பிறகு சமீபத்தில் இலங்கை அணியினர் சுற்றுப்பயணம் மேற்கொண்டு டெஸ்ட் தொடரில் விளையாடினர். இதையடுத்து பேசிய பாகிஸ்தான் கிரிக்கெட் வாரிய தலைவர் இசான் மணி, பாகிஸ்தான் பாதுகாப்பான நாடு என்பதை நிரூபித்துள்ளதாக தெரிவித்திருந்தார்.

கிறிஸ் கெயில் ஆட்டம்

வங்கதேச பிரீமியர் லீக்கில் சட்டோகிராம் சேலஞ்சர்ஸ் அணிக்காக மேற்கிந்திய தீவுகள் அணியின் பேட்ஸ்மேன் கிறிஸ் கெயில் விளையாடி வருகிறார்.

கிறிஸ் கெயில் பாராட்டு

பாகிஸ்தான் உலகின் பாதுகாப்பான நாடுகளில் ஒன்றாக மாறியுள்ளதாக மேற்கிந்திய தீவுகளின் பேட்ஸ்மேன் கிறிஸ் கெயில் தெரிவித்துள்ளார். வங்கதேசத்தின் தாக்காவில் செய்தியாளர்களை சந்தித்த அவர் இதனை தெரிவித்தார்.

கிறிஸ் கெயில் மகிழ்ச்சி

பாகிஸ்தானில் விளையாட செல்லும் வீரர்களுக்கு முதல்தர பாதுகாப்பை வழங்குவதாக கூறப்படும் நிலையில் வங்கதேசத்தை போல பாதுகாப்பான கைகளில் வீரர்கள் உள்ளதாகவும் அவர் மகிழ்ச்சி தெரிவித்தார்.

"பாதுகாப்பு நிரூபிக்கப்பட்டுள்ளது"

10 ஆண்டுகளுக்கு பிறகு பாகிஸ்தானில் சுற்றுப்பயணம் மேற்கொண்ட இலங்கை அணி டெஸ்ட் தொடரில் பங்கேற்றது. இதையடுத்து பேசிய பாகிஸ்தான் கிரிக்கெட் வாரியத்தின் தலைவர் இஷான் மணி, பாகிஸ்தானின் பாதுகாப்பு தற்போது நிரூபிக்கப்பட்டுள்ளதாக தெரிவித்திருந்தார்.