ஜமான் மிரட்டல்
இந்த நிலையில் நேற்று நடந்த ஐந்தாவது ஒருதினப் போட்டியிலும் பாகிஸ்தான் வென்றது. இந்த ஆட்டத்தில், பகர் ஜமான் 85 ரன்கள் குவித்தார். இதன் மூலம் ஒருதினப் போட்டியில் இரண்டு முறை விக்கெட் இழப்பதற்குள் அதிக ரன்கள் குவித்த சாதனையை அவர் படைத்தார்.
அவுட்டாகாமல் அதிக ரன்கள்
ஜிம்பாப்வேக்கு எதிராக ஆட்டமிழக்காமல் 117, 43, 210 ரன்களை எடுத்ததுடன், நேற்று 85 ரன்கள் எடுத்து ஆட்டமிழந்தார். அதன்படி கடைசியாக அவர் அவுட்டான பிறகு நேற்று நடந்த ஆட்டத்தில் அவுட்டான இடைப்பட்ட காலத்தில், 455 ரன்கள் குவித்தார். பாகிஸ்தானின் முன்னாள் வீரர் முகமது யூசப் 2002ல் இவ்வாறு 405 ரன்கள் குவித்ததே சாதனையாக இருந்தது.
அதிகபட்ச ஸ்கோர்
இதனிடையில் 5 போட்டிகள் கொண்ட ஒரு தொடரில் 500க்கும் மேற்பட்ட ரன்கள் குவித்த முதல் வீரர் என்ற சாதனையையும் ஜமான் புரிந்துள்ளார். அவர் 515 ரன்கள் எடுத்துள்ளார். ஜிம்பாப்வேயின் ஹாமில்டன் மசாகட்சா 467 ரன்கள் குவித்ததே சாதனையாக இருந்தது.
ஆயிரம் ரன்கள்
ஒருதினப் போட்டிகளில் மிக விரைவாக ஆயிரம் ரன்கள் கடந்த விவியன் ரிச்சர்ட்ஸ் மற்றும் நான்கு பேட்ஸ்மேன்களின் சாதனையை ஜமான் முறியடித்தார். 17வது போட்டியில் ஆயிரம் ரன்களை கடந்தார் ஜமான். ரிச்சர்ட்ஸ், கெவின் பீட்டர்சன், டிராட், டிகாக், பாபர் ஆசாம் ஆகிய ஐவரும் 21 போட்டிகளில் ஆயிரம் ரன்களை கடந்தனர்.