அதிக விலைக்கு வாங்கப்பட்ட வீரர்
கொல்கத்தாவில் கடந்த 19ம் தேதி நடைபெற்ற ஐபிஎல் 2020க்கான ஏலத்தில் ஆஸ்திரேலிய வீரர் பாட் கமின்ஸ் அதிக விலை கொடுத்து அதாவது 15.5 கோடி ரூபாய்க்கு ஏலத்தில் எடுக்கப்பட்டார்.
பிக் பாஷ் லீக்கிலும் தேர்வு
இதன்மூலம் ஐபிஎல் வரலாற்றில் இதுவரை அதிக விலை கொடுத்து வாங்கப்பட்ட வெளிநாட்டு வீரர் என்ற கௌரவம் பாட் கமின்ஸுக்கு கிடைத்துள்ளது. மேலும் பிக் பாஷ் லீக் தொடரிலும் இவர் தேர்ந்தெடுக்கப்பட்டுள்ளார்.
17 விக்கெட்டுகளை வீழ்த்திய வீரர்
இதுவரை 16 ஐபிஎல் தொடர்களில் விளையாடியுள்ள பாட் கமின்ஸ், 17 விக்கெட்டுகளை வீழ்த்தியுள்ளார். இதன் சராசரி 29.35ஆக உள்ள நிலையில், ஒரு போட்டியில் 20 ரன்களை கொடுத்து 2 விக்கெட்டுகளை வீழ்த்தியது இவரது அதிகபட்ச சாதனையாக உள்ளது.
வெளிப்படுத்திய பாட் கமின்ஸ்
இந்நிலையில் ஐபிஎல்லில் கிடைக்கவுள்ள இந்த அதிகப்படியான தொகையை கொண்டு தன்னுடைய காதலி பெக்கி பாஸ்டன், தங்களின் நாய்க்குட்டிக்கு அதிகளவிலான பொம்மைகளை வாங்க விருப்பம் தெரிவித்துள்ளதாக கமின்ஸ் தெரிவித்துள்ளார்.
3 விக்கெட்டுகளை வீழ்த்திய கமின்ஸ்
டெஸ்ட் போட்டி தரவரிசையில் முதலிடத்தில் உள்ள பாட் கமின்ஸ், பெர்த்தில் நடைபெற்ற நியூசிலாந்திற்கு எதிரான முதல் டெஸ்ட் போட்டியில் 3 விக்கெட்டுகளை வீழ்த்தியுள்ளார். இதன் 2வது போட்டி நாளையும், 3வது மற்றும் இறுதிப் போட்டி ஜனவரி 3ம் தேதியும் நடைபெறவுள்ளது.