இக்கட்டில் ஆஸி.
அதேநேரத்தில் குரூப் ஏவில் உள்ள இங்கிலாந்து அணியோ தொடக்க ஆட்டத்தில் வங்கதேசத்தை 8 விக்கெட்டு வித்தியாசத்தில் வீழ்த்தியது. நியூசிலாந்து அணியை 87 ரன்கள் வித்தியாசத்தில் வீழ்த்தி வெற்றிகரமாக அரை இறுதிக்குள் அடியெடுத்து வைத்துள்ளது. தற்போது இங்கிலாந்து அணியை வென்றால்தான் தொடரில் நீடிக்க முடியும் என்ற நிலையில் ஆஸ்திரேலியா இக்கட்டான நிலையில் உள்ளது. இல்லையெனில் தொடரைவிட்டு வெளியேற வேண்டிய நிலையில் இருக்கிறது ஆஸ்திரேலியா.
அசத்தல் ஆட்டம்
முந்தைய இரு போட்டிகளிலும் இங்கிலாந்து அசத்தல் ஆட்டத்தை வெளிப்படுத்தியிருந்தது. ஆஸ்திரேலியாவுக்கு எதிரான போட்டியிலும் அந்த அதிரடி ஆட்டம் தொடர வாய்ப்புள்ளது. மழை குறுக்கிடாமல் இருந்தால் இங்கிலாந்தை ஒரு கை பார்க்கும் முடிவில்தான் ஆஸ்திரேலியாவும் விளையாடும்.
இங்கிலாந்து வெல்லும்
இது தொடர்பாக கருத்து தெரிவித்த ஆஸ்திரேலியா முன்னாள் வீரர் ஹஸ்ஸி, இரு அணிகளுக்கும் இடையேயான போட்டி எப்போதும் கடுமையானதாகத்தான் இருக்கும். நாளைய போட்டியில் இங்கிலாந்து வெல்ல சாத்தியங்கள் அதிகம் இருக்கிறது எனக் குறிப்பிட்டுள்ளார்.
வீரர்கள் விவரம்
இரு அணி வீரர்கள் விவரம்: இங்கிலாந்து: மோர்கன் (கேப்டன்), மொயின் அலி, பேர்ஸ்டோவ், ஜேக் பால், பில்லிங்ஸ், அலெக்ஸ் ஹேல்ஸ், ஜோஸ் பட்லர், பிளங்கெட், அடில் ரஷீத், ஜோ ரூட், ஜேசன் ராய், பென் ஸ்டோக்ஸ், டேவிட் வில்லி, கிரிஸ் வோக்ஸ், மார்க் வுட், ஸ்டீவன் பின்
ஆஸ்திரேலியா வீரர்கள்: ஸ்டீவ் ஸ்மித்(கேப்டன்), டேவிட் வார்னர், ஆரோன் ஸ்மித், கம்மின்ஸ், ஹாஸ்டிங்ஸ், ஜாஸ் ஹாஸில்வுட், டிராவிஸ் ஹெட், ஹென்றிக்ஸ், கிறிஸ் லின், மேக்ஸ்வெல், பட்டின்சன், ஸ்டார்க், ஸ்டோனிஸ், மேத்யூ வேடு, ஜாம்பா