தூள் கிளப்பிய வாட்சன்
இந்த சீசனின் தொடக்கத்திலிருந்தே சரியாக ஆடாமல் திணறிவந்த வாட்சன், சன்ரைசர்ஸ் அணிக்கு எதிரான நேற்றைய போட்டியில் அபாரமாக ஆடி, 96 ரன்களை குவித்து சிஎஸ்கே அணியின் வெற்றியை தேடிக்கொடுத்தார். சதத்தை தவறவிட்டு கடைசி நேரத்தில் அவர் ஆட்டமிழந்தாலும் சிஎஸ்கே அணியின் வெற்றிக்கு காரணம் வாட்சன் தான்.
பார்முக்கு வந்தார்
பிளே ஆப் சுற்று போட்டிகள் நெருங்கிவிட்ட நிலையில், சரியான நேரத்தில் வாட்சன் பார்முக்கு திரும்பி உள்ளது, சிஎஸ்கே அணிக்கு கூடுதல் பலமாக அமைந்துள்ளது. சன்ரைசர்சுக்கு எதிரான போட்டியில் பவுலர்களின் பந்துவீச்சை தெறிக்கவிட்டார்.
பவுண்டரிக்கு பறந்த பந்து
குறிப்பாக சன் ரைசர்ஸ் அணியின் நட்சத்திர பவுலர் ரஷித் கானின் பந்துவீச்சை டார்கெட் செய்து தாறுமாறாக அடித்தார். அவர் பந்துவீச வந்ததும் 2வது பந்தையே பவுண்டரிக்கு வாட்சன் விரட்டினார்.
|
ரஷித் முறைப்பு
இதையடுத்து வாட்சனை பார்த்து ரஷித் கான் முறைக்க, வாட்சனும் முறைத்து விட்டு சென்றார். பின்னர் அவரது பந்துகளில் எல்லாம் பவுண்டரிகளும், சிக்சர்களுமாக வாட்சன் வெளுத்தார்.
அதிகரித்த விறுவிறுப்பு
ரஷித் கானின் ஓவரில் ரன்கள் அதிகமாக அடித்ததால், அவருக்கு அழுத்தம் அதிகரித்தது. அப்போது, ஒரு சிக்சரை அடித்துவிட்டு ரஷித் கானை லேசாக முறைத்தார். வாட்சன், ரஷித் கான் முறைத்துக் கொண்டது தான், ஆட்டத்தின் விறுவிறுப்பை அதிகரித்தது. அதற்கு பிறகும், ரஷித் கானை விடாமல் பந்துகளை விரட்டி, விரட்டி வெளுத்தார்.