இது தான் வினோதமான விஷயம்
இதை கேள்விக்கு பதில் அளித்த கோலி, "நான் கேட்டதிலேயே இது தான் வினோதமான விஷயம். இந்திய கிரிக்கெட்டில் ரவி சாஸ்திரியை விட அதிகம் "இல்லை" என மறுத்தவர்கள் இல்லை என்றே நினைக்கிறேன். இவர் ஒருவரிடம் தான் நான் பேசி உண்மையான கருத்தை அறிய முடியும். இவரது பேச்சை கேட்டு என் ஆட்டத்தில் நான் நிறைய மாற்றத்தை கொண்டு வந்திருக்கிறேன்" என கூறினார்.
உதவினார் ரவி சாஸ்திரி
மேலும் ரவி சாஸ்திரியை பற்றி பேசிய கோலி, "இவர் வீரர்களிடம் இருந்து சிறப்பான ஆட்டத்தை எடுத்து வந்துவிடுவார். நான் 2014 இங்கிலாந்து தொடரில் மோசமாக ஆடிய பின்பும், ஷிகர் தவானுக்கு 2015 உலகக்கோப்பைக்கு பின்பும் மீண்டு வர உதவியுள்ளார்" என புகழ்ந்தார் கோலி.
ஆஸ்திரேலியா தொடர் செல்லும் இந்தியா
இந்த கேள்வி - பதில் சம்பவம் இந்தியா அடுத்து பங்கேற்கவுள்ள ஆஸ்திரேலியா தொடர் பற்றி நடந்த செய்தியாளர்கள் சந்திப்பில் நடந்தது. ஆஸ்திரேலியா செல்லும் இந்தியா டெஸ்ட், ஒருநாள் மற்றும் டி20 போட்டிகளில் பங்கேற்க உள்ளது.
இதற்கு முன்பு கிடைத்த தோல்விகள்
இதற்கு முன்பு நடந்த தென்னாபிரிக்கா மற்றும் இங்கிலாந்து தொடர்களில் இந்தியா தோல்விகளை சந்தித்தது. இந்தியா வெளிநாடுகளில் வெற்றிகள் பெற தவறி வருவது மீண்டும் தொடர்கிறது என வரும் விமர்சனங்களை உடைக்கும் வகையில் இந்தியா ஆஸ்திரேலியாவில் வென்றாக வேண்டிய கட்டாயத்தில் இருக்கிறது.
சிறந்த வாய்ப்பு இது
ஸ்மித், வார்னர் இல்லாத ஆஸ்திரேலியா வலுவிழந்து உள்ளதால் இந்தியா எளிதாக வெல்லும் என கணிக்கப்பட்டு உள்ளது. இது பற்றி கங்குலி கருத்து தெரிவித்து இருந்தார். அவர் இந்தியாவுக்கு இதை விட சிறந்த வாய்ப்பு கிடைக்காது என கூறி இருந்தார்.