கட் ஷாட் ஆடிய ஜாதவ்
ஆறாவது ஓவரை ராஜஸ்தான் அணி வேகப் பந்துவீச்சாளர் ஆர்ச்சர் வீசினார். அந்த ஓவரின் 5வது பந்தை சந்தித்த ஜாதவ் பேக்வேர்டு திசையில் கட் ஷாட் அடித்தார். அவர் பீல்டர்களுக்கு இடையே பந்தை அடிக்க முற்பட்டார்.
கடினமான கேட்ச்
பந்து ராஜஸ்தான் வீரர் பென் ஸ்டோக்ஸ்-க்கு சில அடி தூரம் தள்ளி சென்றது. அப்போது ஒரு நொடிக்கும் குறைவான நேரத்தில் மிகக் கடினமான அந்த கேட்சை பிடித்தார் பென் ஸ்டோக்ஸ்.
சரியான ஷாட்
இதனால், வெறும் 1 ரன் அடித்து இருந்த கேதார் ஜாதவ் ஆட்டமிழந்து வெளியேறினார். அப்போது சென்னை அணி 24 ரன்களுக்கு 4 விக்கெட்களை இழந்து தவித்தது. ஜாதவ் சரியான விதத்தில் அந்த ஷாட்டை ஆடி இருந்தாலும், பென் ஸ்டோக்ஸ் பிடித்த அற்புத கேட்ச்சால் ஆட்டமிழந்தார்.
ஏமாற்றம்
ஜாதவ் இந்த ஐபிஎல் தொடரில் மும்பை அணிக்கு எதிரான போட்டியில் அரைசதம் அடித்தார். மற்ற போட்டிகளில் பெரிய அளவில் ரன் எடுக்கவில்லை. அதை ராஜஸ்தான் போட்டியிலும் தொடர்ந்தார் ஜாதவ்.