சிறந்த கேப்டன்
தோனியின் சிறந்த கேப்டன்சியால் சென்னை சூப்பர் கிங்ஸ் அணி, இதுவரை 3 முறை கோப்பையை வென்றுள்ளது. இதுவரை நடைபெற்று முடிந்துள்ள 13 சீசன்களில் 12 முறை ப்ளே ஆஃப் சுற்றுக்கு முன்னேறியுள்ளது. இதன்காரணமாக இளம் வீரர்கள் பலர் இன்றும் தோனியின் கீழ் விளையாட வேண்டும். அவரிடம் அறிவுரை பெற வேண்டும் என ஆசைப்பட்டு வருகின்றனர். இந்நிலையில் தோனி பல சமயங்களில் டூப்ளசிஸுடம் அறிவுரை பெற்றிருப்பதாக இளம் வீரர் ருத்ராஜ் கெயிக்வாட் தெரிவித்துள்ளார்.
தோனி பெற்ற அறிவுரை
தென்னப்பிரிக்க வீரர் டூப்ளசிஸும் - தோனியும் 2011ம் ஆண்டு முதல் சிஎஸ்கேவுக்காக இணைந்து விளையாடி வருகின்றனர். இவர்களின் நட்பு குறித்து தெரிவித்துள்ள ருத்ராஜ், அவர்கள் ஒருவருக்கு ஒருவர் பெரும் மரியாதை வைத்துள்ளனர். போட்டிகளின் போதும், போட்டிகள் முடிந்த பிறகும் டூப்ளசிஸ், தோனிடம் சென்று அறிவுரை கூறுவார். இவ்வளவு அனுபவம் பெற்ற பிறகும் அவர்கள் அறிவுரை பெற்று வருகின்றனர்.
2 மணி நேர ஆலோசனை
அவர்களின் பேச்சுவார்த்தை 5 - 10 நிமிடங்கள் இருக்காது. கிட்டத்தட்ட 2 மணி நேரங்கள் கூட இருவரும் தனியாக சென்று போட்டிகள் குறித்து ஆலோசனை மேற்கொள்வார்கள். போட்டியின் போது தோனியே பல முறை டூப்ளசிஸுன் ஆலோசனையை பெற அவரிடம் செல்வார் எனக்கூறியுள்ளார்.
டூப்ளசிஸ்
சென்னை சூப்பர் கிங்ஸ் அணி இந்தாண்டு மிகச்சிறப்பான கம்பேக் கொடுத்துள்ளது. இந்த சீசனில் இதுவரை 7 போட்டிகளில் விளையாடியுள்ள சிஎஸ்கே, 5ல் வெற்றி பெற்று புள்ளிப்பட்டியலில் 2ம் இடத்தில் உள்ளது. இந்த சீசனில் டூப்ளசிஸ் தொடக்க வீரராக களமிறங்கி அசத்தி வருகிறார். இதுவரை 7 போட்டிகள் விளையாடியுள்ள அவர் 320 ரன்களை எடுத்துள்ளார் என்பது குறிப்பிடத்தக்கது.