ஒரு கவர் டிரைவ் கூட அடிக்காமல் டபுள் செஞ்சுரி போட்டாரே சச்சின்... அதுதான் பெஸ்ட்.. லாரா புகழாரம்

தமிழ் Edition

டெல்லி: 10 ஆண்டுகளுக்கு முன்பு, சிட்னி மைதானத்தில் ஒரு கவர் கூட அடிக்காமல், தனது 200 ரன்களை பூர்த்தி செய்தாரே சச்சின், அதுதான் பெஸ்ட் என்று புகழாரம் சூட்டியுள்ளார் பிரையன் லாரா.

சாம்பியன்ஸ் லீக் தொடரில் பங்கேற்று அரை இறுதிக்கு முன்னேறியுள்ள டிரினிடாட் டொபாகோ அணியின் மென்டார் ஆக இருக்கிறார் லாரா.

இதற்காக இந்தியா வந்துள்ள லாரா நேற்று டெல்லி மைதானத்தில் சச்சினை சந்தித்துப் பேசினார். பின்னர் செய்தியாளர்களிடம் லாரா பேசுகையில், சச்சினை புகழ்ந்து தள்ளினார்.

ஆஸி. யை அதிர வைத்த சச்சின்

10 வருடங்களுக்கு முன்பு சிட்னியில் நடந்த டெஸ்ட் போட்டியின்போது சச்சின் ஆடிய ஆட்டம் இன்னும் எனக்கு நினைவில் உள்ளது. ஆஸ்திரேலிய பந்து வீச்சாளர்களை துவம்சம் செய்தார் அப்போட்டியில் சச்சின்.

ஒரு கவர் டிரைவ் கூட அடிக்கவில்லை

தனது 200 ரன்களைத் தொடும் வரை சச்சின் ஒரு கவர் கூட அடிக்கவில்லை என்பது முக்கியமானது.

மாத்தி யோசிக்கிறவர் சச்சின்

மற்றவர்களை விட எப்போதுமே வித்தியாசமானவர் சச்சின். இந்திய அணியில் டிராவிட் இருந்திருக்கிறார், லட்சுமண் இருந்திருக்கிறார். ஆனால் சச்சின் தனி... ஸ்பெஷல் வீரர்.