Click it and Unblock the Notifications
26 பேர் உயிரிழப்பு
ஆஸ்திரேலியாவின் பல பகுதிகளில் வேகமாக பரவிவரும் காட்டுத்தீயில் சிக்கி இதுவரை 28 பேர் உயிரிழந்துள்ளனர். காட்டுத்தீயால் பல்வேறு இடங்கள் புகைமண்டலமாக காணப்படுவதால் மக்களின் இயல்புவாழ்க்கை கடுமையாக பாதிக்கப்பட்டுள்ளது.
பார்முலா ஒன் சாம்பியன் உதவி
ஆஸ்திரேலிய காட்டுத்தீக்கு பல்வேறு நாடுகளை சேர்ந்த வீரர்கள் தொடர்ந்து நிவாரண உதவி அளித்து வருகின்றனர். 5 லட்சம் டாலர்களை நன்கொடையாக அளித்துள்ள பார்முலா ஒன் சாம்பியன் லெவிஸ் ஹாமில்டன் இந்த காட்டுத்தீயில் சிக்கி 100 கோடி காட்டு விலங்குகள் உயிரிழந்ததுற்கு வருத்தம் தெரிவித்துள்ளார்.
டென்னிஸ் வீரர்களும் நன்கொடை
கிரிக்கெட் வீரர்கள் கிறிஸ் லின், க்ளென் மாக்ஸ்வெல், டி'ஆர்சி ஷார்ட் ஆகியோர் நன்கொடை அறிவித்துள்ள நிலையில், டென்னிஸ் வீரர்கள் மற்றும் வீராங்கனைகள் செரினா வில்லியம்ஸ், ரோஜர் பெடரர், ஆஷ்லீ பார்டி போன்றவர்களும் நிதியுதவி அளித்துள்ளனர்.
ரூ. 4.8 கோடிக்கு ஏலம்
இந்நிலையில் ஆஸ்திரேலிய முன்னாள் சுழற்பந்து வீச்சாளரும் முன்னாள் கேப்டனுமான ஷேன் வார்ன், தன்னுடைய பேகி பச்சை தொப்பியை ஆன்லைனில் ஏலம் விட்டார். இந்த தொப்பி 4.8 கோடி ரூபாய்க்கு ஏலத்தில் எடுக்கப்பட்டுள்ளது.
ஏலம் விட்ட ஷேன் வார்ன்
ஆஸ்திரேலியாவில் டெஸ்ட் போட்டிகளை முதல் முறையாக விளையாடும் வீரர்களுக்கு இந்த பச்சை நிற தொப்பி வழங்கப்படுகிறது. இதை அவர்கள் தங்களது பெருமைக்குரிய விஷயமாக பார்க்கிறார்கள்.
|
ஏலம் எடுத்தவருக்கு பாராட்டு
இந்நிலையில் தன்னுடைய தொப்பியை ஏலம் எடுத்தவருக்கும் மற்றும் ஏலத்தில் பங்கேற்றவர்களுக்கும் ஷேன் வார்ன் நன்றியும் பாராட்டும் தெரிவித்துள்ளார். தான் எதிர்பார்த்ததைவிட அதிக தொகைக்கு தன்னுடைய தொப்பி ஏலம் எடுக்கப்பட்டுள்ளதாகவும் அவர் கூறினார்.
