நியூசிலாந்து தொடர்
இந்த போட்டிக்கான இந்திய அணியில் ஓப்பனிங் இடத்தில் யார் களமிறங்கவுள்ளார் என்ற குழப்பம் இருந்து வந்தது. ஆனால் அதனையெல்லாம் உடைத்தெறிந்து இடத்தை உறுதி செய்துவிட்டார் சுப்மன் கில். இலங்கை அணியுடனான தொடரில் சந்தேகங்களுக்கு மத்தியில் களமிறங்கிய அவர், முதல் போட்டியில் 70 ரன்களும், 3வது போட்டியில் 116 ரன்களையும் விளாசினார்.
புது சாதனை
இந்நிலையில் நியூசிலாந்து தொடரில் புதிய சாதனை படைக்க காத்துள்ளார். சர்வதேச கிரிக்கெட் போட்டிகளில் இந்தியாவுக்காக அதிவேகமாக 1000 ரன்களை அடித்தவர்கள் பட்டியலில் ஷிகர் தவான் மற்றும் விராட் கோலி ஆகியோர் முதலிடத்தை பகிர்ந்துக்கொண்டுள்ளனர். இவர்கள் இருவரும் 24 இன்னிங்ஸ்களில் 1000 ரன்களை கடந்தனர். ஆனால் தற்போது சுப்மன் கில் இதனை முறியடிக்கவுள்ளார்.
கில்லின் ஸ்கோர்
இளம் வீரர் சுப்மன் கில் தற்போது வரை 18 இன்னிங்ஸ்களில் விளையாடி 894 ரன்களை அடித்துள்ளார். அவர் இன்னும் 106 ரன்களை அடித்து அந்த பட்டியலில் முதலிடம் பிடிக்க இன்னும் 6 இன்னிங்ஸ்கள் உள்ளது. எனவே நியூசிலாந்துடனான 3 போட்டிகளை பயன்படுத்தி புதிய சாதனையை படைக்க சுப்மன் கில்லுக்கு வாய்ப்பு உருவாகியுள்ளது.
இஷான் கிஷான்
இதுஒருபுறம் இருக்க இளம் வீரர் இஷான் கிஷான் மிடில் ஆர்டருக்கு கொண்டு செல்லப்பட்டுள்ளார். விக்கெட் கீப்பர் கே.எல்.ராகுல் இந்த தொடரில் இல்லாததால் அதிரடியாக விளையாடக்கூடிய இஷான் கிஷான் அணிக்குள் சேர்க்கப்பட்டுள்ளார். அவர் 5வது இடத்தில் விளையாடுவார் என கூறப்பட்டுள்ளது.