கேகேஆர் அணி வீரர் கில்
ஐபிஎல் 2020 தொடரில் கேகேஆர் அணிக்காக விளையாடிய சுப்மன் கில் 14 போட்டிகளில் விளையாடி 440 ரன்களை குவித்தார். இந்நிலையில் தற்போது ஆஸ்திரேலியாவிற்கு எதிரான ஒருநாள் மற்றும் டெஸ்ட் தொடர்களில் அவர் இடம்பெற்றுள்ளார்.
மகிழ்ச்சி அதிகமாக இருக்கிறது
இதனிடையே, கேகேஆர் அணிக்காக அவர் அளித்துள்ள பேட்டியில் இந்த ஆஸ்திரேலிய தொடரில் தான் எந்த இலக்கையும் வைத்திருக்கவில்லை என்றும் ஆனால் மகிழ்ச்சி அதிகமாக உள்ளதாகவும் தெரிவித்துள்ளார். மேலும் தொடர்களில் விளையாடுவதற்காக தான் காத்திருப்பதாகவும் அவர் கூறினார்.
.@RealShubmanGill #HaiTaiyaar for the tour Down Under.
— KolkataKnightRiders (@KKRiders) November 23, 2020
The flamboyant youngster shares his thoughts about #AUSvIND in a freewheeling chat with @SanjanaGanesan#KKR pic.twitter.com/UVswPjcomI
கேகேஆர் வீடியோ வெளியீடு
ஆஸ்திரேலியாவிற்கு எதிராக தான் முதல்முறையாக விளையாடுவதை சுட்டிக் காட்டிய கில், சிறு வயது முதல், தான் இந்தியா -ஆஸ்திரேலியா போட்டிகளை அதிக ஆர்வத்துடன் கண்டுகளித்து வருவதாக குறிப்பிட்டுள்ளார். இதுகுறித்த வீடியோவை கேகேஆர் தனது டிவிட்டர் பக்கத்தில் பகிர்ந்துள்ளது.
வரும் வெள்ளிக்கிழமை துவக்கம்
ஆஸ்திரேலியாவிற்கு எதிரான இந்த தொடர்களில் தன்னுடைய நண்பர்களும் அதிகமாக தேர்வாகியுள்ளது தனக்கு மிகுந்த மகிழ்ச்சியை அளித்துள்ளதாகவும் சுப்மன் கில் கூறியுள்ளார். வரும் வெள்ளிக்கிழமை இந்தியா மற்றும் ஆஸ்திரேலிய அணிகளுக்கிடையிலான முதல் ஒருநாள் போட்டி துவங்கவுள்ளது குறிப்பிடத்தக்கது.