பிளவு பற்றி கேட்டேன்
அவர் கூறியதாவது: ரோகித்துக்கும், எனக்கும் இடையே பிளவு ஏற்பட்டு உள்ளதாக சொல்வது பற்றி நானும் கேட்டுள்ளேன். டிரெஸ்சிங் ரூமில் ஒரு வீரருடன் நாம் பழகும் விதத்தில் தான் வெற்றியின் முக்கிய பங்காக இருக்கும்.
முகம், உடல்மொழி
இது உண்மையாக இருந்தால் நாங்கள் சிறப்பாக செயல்பட்டு இருக்க மாட்டோம். எனக்கு ஒருவரை பிடிக்கவில்லையென்றால் முகம், உடல்மொழியில் தெரிந்து விடும். நான் ரோகித்தை எப்போதும் பாராட்டி தான் உள்ளேன்.
குழப்பமான விஷயம்
ஏனென்றால் அவரை நான் முழுமையாக நம்புகிறேன். எங்களுக்கு இடையே எந்த பிரச்சினையும் இல்லை. இது ஒருவித குழப்பமான விஷயம், இவற்றால் யாருக்கு பயன் தான் என்று எனக்கு தெரியவில்லை. இதுபோன்ற பொய்யான செய்திகள் வெளியாகும் போது ஒரு வீரராகவும், அணியாகவும் குழப்பம் ஏற்படுகிறது. இது நம்பமுடியாததாக உள்ளது.
எப்படி விளையாட முடியும்?
அணிக்குள் இதுபோன்ற பிரச்சனைகள் இருந்தால் எப்படி எங்களால் சீராக விளையாடி வர முடியும்? 7வது இடத்திலிருந்து முதல் இடத்திற்கு முன்னேறி இருக்கிறோம். அணியில் சகோதரத்துவமும், நட்பும் இல்லையென்றால் இந்த உயரத்தை அடைந்திருக்க முடியாது என்றார்.