பலர் சிரிக்கலாம்
இந்தியா டிவியின் கிரிக்கெட் விவாத நிகழ்ச்சியில் பேசிய கங்குலி, "இப்போது தான் சொல்வது பலருக்கு நம்ப முடியாததாக இருக்கும். பலர் நான் கூறுவதை கேட்டு சிரிக்கலாம்" என முதலில் பில்டப் கொடுத்தார்.
நல்ல பேட்ஸ்மேன்
"என்னைப் பொறுத்தவரை, ஒருநாள் போட்டிகளில் புஜாரா தான் நான்காவது இடத்தில் பேட்டிங் செய்ய சரியான வீரர். அவரது பீல்டிங் வேண்டுமானால் பலவீனமாக இருக்கலாம். ஆனால், அவர் நல்ல பேட்ஸ்மேன்" என்று புஜாரா குறித்து கூறினார் கங்குலி.
அதிர்ச்சி
"நான் சொன்னதை கேட்டு பலருக்கு அதிர்ச்சியாக இருக்கலாம். ஆனால், தரமான பேட்ஸ்மேன் வேண்டுமென்றால், ஏற்கனவே இந்தியா முயற்சி செய்த வீரர்களை விட திறமையான வீரர் வேண்டும் என்றால், புஜாரா தான் சிறந்த தேர்வு" என்றார் கங்குலி.
ராகுல் டிராவிட் போல..
முன்பு ராகுல் டிராவிட் இந்திய ஒருநாள் அணியில் என்ன செய்தாரோ அதை புஜாரா செய்வார் என நம்புகிறேன் என கங்குலி தெரிவித்தார். ஒருநாள் அணியில் நிலையான வீரர் வேண்டுமென்றால் புஜாரா தான் சரியான தீர்வு என்றார்.
டெஸ்ட் வீரர் புஜாரா
புஜாரா தற்போது டெஸ்ட் அணியில் மட்டுமே ஆடி வருகிறார். சிலர் டெஸ்ட் போட்டியில் கூட அவர் பொறுமையாக ரன் குவிக்கிறார் என கூறி வரும் நிலையில், அவரை ஒருநாள் அணியில் ஆடவைக்கலாம் என கூறியுள்ளார் கங்குலி.