|
பயிற்சி ஆட்டத்தில் தோல்வி
அதாவது, ஆஸ்திரேலியாவிற்கு எதிரான நடந்த பயிற்சி ஆட்டத்தில் இலங்கை தோல்வி அடைந்தது. இந்த போட்டிக்கு பின்னர் மலிங்கா ஆஸ்திரேலியா பந்து வீச்சாளர் ஸ்டோய்னிசுக்கு தனது பந்துவீச்சு குறித்த சில டிப்ஸ்களை அவருக்கு கொடுத்தார்.
பந்துவீசும் முறை
இதுகுறித்து மலிங்கா செய்தியாளர்களுக்கு அளித்த பேட்டியில் கூறி இருப்பதாவது: ஐபிஎல் போட்டிகளில் நான் பந்துவீசிய விதம் குறித்து ஸ்டோய்னிஸ் தெரிந்து கொள்ள விரும்பினார்.
ஆலோசனை தர தயார்
அதற்காக ஸ்டோய்னிஸ் என்னிடம் வந்து ஸ்லோ பால் வீசுவது எப்படி என்று கேட்டார். ஷார்ட் பார்மட் போட்டியில் விதவிதமான பந்துகளை வீசுவது முக்கியமானது. எந்தவொரு வீரர் விரும்பினாலும், எல்லாவித டிப்ஸ்களையும் வழங்க நான் தயாராக இருக்கிறேன்.
மலிங்கா மகிழ்ச்சி
சூழ்நிலைகளை புரிந்து கொண்டு ஸ்லோ பால்களை வீசுவது எப்படி என்று சொல்லிக் கொடுத்தேன். அவருடன் இதை பகிர்ந்து கொண்டதில் மிகவும் மகிழ்ச்சி. இதன் மூலம் கிரிக்கெட்டை அடுத்த கட்டத்துக்கு கொண்டு செல்ல முடியும் என்றார்.
யார்க்கர் ஸ்பெஷலிஸ்ட்
கிரிக்கெட் உலகில் யார்க்கர் என்றாலே வக்கார் யூனிசுக்கு பிறகு சட்டென்று ரசிகர்களின் நினைவுக்கு வருவது லசித் மலிங்காதான். 35 வயதாகும் அவர் உலக கோப்பைக்கான இலங்கை அணியில் இடம்பிடித்துள்ளார்.
கோப்பைக்கு காரணம்
வயது மற்றும் உடற்தகுதி பிரச்சனை ஆகியவற்றால் மலிங்காவால் சிறப்பாக பந்துவீச முடியவில்லை என்ற விமர்சனம் அப்படியே இருக்கிறது. ஆனாலும், சமீபத்தில் முடிவடைந்த ஐபிஎல் தொடரில் 16 விக்கெட்டுக்கள் கைப்பற்றி மும்பை இந்தியன்ஸ் அணி 4வது முறையாக கோப்பையை வெல்ல காரணமாக இருந்தவர் மலிங்கா.