Click it and Unblock the Notifications
சமாளித்த ஸ்மித்
உணவு இடைவேளைக்கு முன்னதாக ஆர்ச்சர் பவுலிங்கை லாவகமாக எதிர் கொண்டார் ஸ்மித். விக்கெட்டை இழக்காமல் பலமுறை சமாளித்தார். குறிப்பாக ஆர்ச்சர் பந்துகள் அவரை மிரள வைத்தன. ஒரு கட்டத்தில் ஷார்ட் பிட்ச் பந்துகளாக அள்ளித் தெளித்தார் ஆர்ச்சர்.
பதம் பார்க்கப்பட்ட கை
அதில் ஒரு பந்து ஸ்மித்தின் முழங்கையை பதம் பார்த்தது. மைதானத்துக்கு மருத்துவர்கள் வந்து சிகிச்சை அளித்து பிளாஸ்திரியுடன் ஸ்மித் மீண்டும் ஆடத் தொடங்கினார். ஆனாலும் அவர் கொஞ்சம் அசவுகரியப்பட்டார் என்பது அப்பட்டமாக அனைவருக்கும் தெரிந்தது.
கழுத்தில் அடி
இன்னிங்சின் 77வது ஓவரை வீசினார் ஜோப்ரா ஆர்ச்சர். முதல் ஷார்ட் பிட்ச் பந்தை வெற்றிகரமாக புல்ஷாட் ஆடி பவுண்டரிக்கு அனுப்பினார். ஆனால் அடுத்த பந்து கண்ட படி வேகமாக வந்து எழும்ப ஸ்மித் தன் கழுத்தை வலது புறமாகத் திருப்பினார்.
|
நிலைகுலைந்த ஸ்மித்
ஆனால், ஹெல்மெட் தலையில் இல்லாத, பாதுகாப்பில்லாத பகுதியில் பந்து வேகமாக தாக்கியது. நிலைகுலைந்த ஸ்மித் கீழே அப்படியே மல்லாக்க சாய்ந்தார். அவருக்கு கடும் வலியால் துடித்தது நன்றாக தெரிந்தது.
|
வெளியேறினார்
பிறகு எழுந்து நின்றார், மருத்துவர்கள் அதற்குள் வந்து முதலுதவி அளிக்க அவர்களுடன் பேசினார். தொடர்ந்து விளையாடாத நிலை ஏற்பட்டதால், அவர் பெவிலியன் நோக்கி நடந்தார். 80 ரன்களில் ஸ்மித் காயம் காரணமாக வெளியேறினார்.
