|
டோணி-ஸ்மித் ஜோடி
இந்த டிவிட்டில், லாரல்-ஹார்டி, ஜெய்-வீரு, ஸ்மித்-டோணி என குறிப்பிட்டுள்ளார். ஹாலிவுட், பாலிவுட் ஜோடிகள் வரிசையில் ஸ்மித் டோணி ஜோடி என குறிப்பிட்டுள்ளார் ஹர்ஷ் கோயங்கா.
ஹிட்டான படம்
இது புகழ்ச்சி போல தெரிந்தாலும், ஜெய்-வீரு என்பது புகழ் பெற்ற இந்தி திரைப்படமான ஷோலேயில் வரும் கதாப்பாத்திரங்களாகும். 1975ல் வெளியான இந்த திரைப்படம் மொத்த இந்தியாவையும் திரும்பி பார்க்க செய்தது.
இரு சூப்பர் ஸ்டார்கள்
அமிதாப் பச்சன் மற்றும் தர்மேந்திரா ஆகிய பாலிவுட்டின் அப்போதைய இரு சூப்பர் ஸ்டார்கள் இணைந்து நடித்த இந்த திரைப்படம், பல சாதனைகளை தகர்த்து வெற்றிக்கொடி நாட்டியது.
திருடர்கள்
இதில் ஜெய் மற்றும் வீரு கதாப்பாத்திரங்களில் அமிதாப் பச்சனும், தர்மேந்திராவும் நடித்திருந்தனர். இருவரும் சிறு குற்றங்களில் ஈடுபட்டு வந்த திருடர்கள். பெரிய வில்லனை பிடிக்க இவர்கள் பயன்படுத்தப்படுவார்கள்.
திட்டினாரா கோயங்கா?
கோயங்காவின் டிவிட்டுகள் எப்போதுமே உள்நோக்கம் கொண்டதாகவே உள்ளன. அந்த வகையில் கோயங்கா புகழ்ந்தாரா அல்லது, ஸ்மித் மற்றும் டோணி அணியின் பணத்தை வீண் செய்துவிட்ட திருடர்கள் என திட்டினாரா என்பது ரசிகர்கள் மத்தியில் உள்ள பேச்சாக உள்ளது.