டிராவிட், சச்சின்
ராகுல் டிராவிட் (2004), ஆன்ட்ரூ பிளின்டாப் மற்றும் ஜேக் காலிஸ் (2005), ரிக்கி பாண்டிங் (2006 மற்றும் 2007) சந்தர்பவுல் (2008), மைக்கேல் ஜான்சன் (2009), சச்சின் டெண்டுல்கர் (2010), ஜொனாதன் டிராட் (2011) குமார் சங்ககாரா (2012), மைக்கேல் கிளார்க் (2013), மைக்கேல் ஜான்சன் (2014) ஆகியோர் இதற்கு முன்பாக இந்த கவுரவம்மிக்க விருதை தட்டிச் சென்றவர்களாகும்.
இரு விருதுகள்
இவ்வாண்டு சிறந்த டெஸ்ட் வீரர் என்ற பெருமையும் ஸ்டீவ் ஸ்மித்துக்கே கிடைத்துள்ளது. ஒரே நேரத்தில் இவ்விரு விருதுகளையும் ஸ்மித் பெற்றதன் மூலம், டிராவிட், கல்லீஸ், பாண்டிங், சங்ககாரா, கிளார்க், ஜான்சன் ஆகியோர் வரிசையில் ஓராண்டில், இரு விருதுகளை பெற்ற பட்டியலில் இணைந்துள்ளார்.
சிறந்த வீரர் ஸ்மித்
இவ்வாண்டுக்கான சிறந்த வீரர்கள் பட்டியல்: ஆண்டின் சிறந்த வீரர்-ஸ்டீவ் ஸ்மித். டெஸ்ட் கிரிக்கெட்டின் சிறந்த வீரர்-ஸ்டீவ் ஸ்மித்.
ஒன்டேயில் டிவில்லியர்ஸ்
2015ம் ஆண்டின் சிறந்த ஒருநாள் கிரிக்கெட் வீரர்-டிவில்லியர்ஸ். பெண்கள் கிரிக்கெட்டின் சிறந்த ஒருநாள் வீரர்-மெக் லன்னிங் (ஆஸி.).
டி20 போட்டி
சிறந்த பெண்கள் டி20 கிரிக்கெட் வீராங்கனை-வெஸ்ட் இண்டீசின் ஸ்டாபேனை டைலர். டி20 போட்டியில் சிறப்பான பங்களிப்பை அளித்த வீரர்-டுப்ளசிஸ். வெஸ்ட் இண்டீசுக்கு எதிராக 56 பந்துகளில் 119 ரன்கள் விளாசியதற்காக இவ்விருது.
இப்படியும் விருதுகள்
சிறந்த வளரும் வீரர்-ஜோஸ் ஹசில்வுட் (ஆஸி.), ஐசிசி அசோசியேட் கிரிக்கெட் வீரருக்கான விருது-ஐக்கிய அரபு எமிரேட்ஸ்சின் குர்ரம்கான். ஐசிசி கிரிக்கெட் ஸ்பிரிட்டுக்கான விருது-பிரெண்டன் மெக்கல்லம். சிறந்த நடுவர்-ரிச்சர்ட் கேட்டல்பர்க் (இங்கிலாந்து).
ஒரு இந்திய வீரரும் இல்லையே
ஐசிசி வெளியிட்டுள்ள இந்த விருதுகள் பட்டியலில் இந்திய வீரர்கள் யாருமே இல்லை என்பது குறிப்பிடத்தக்கது.