சதமடித்து அவுட்
அடுத்து பிஞ்ச் உடன் கவாஜா ஜோடி சேர்ந்தார். கவாஜா 23 ரன்னில் ஆட்டமிழந்த போதிலும், பின்ச் சிறப்பாக விளையாடி 115 பந்தில் சதம் அடித்தார். ஆனால் சதம் அடித்த அடுத்த பந்தில் ஆட்டமிழந்தார். அப்போது ஆஸ்திரேலியா 35.3 ஓவரில் 3 விக்கெட் இழப்பிற்கு 185 ரன்கள் சேர்த்திருந்தது.
மேக்ஸ்வெல் காலி
87 பந்துகள் மீதமிருந்ததால் ஆஸ்திரேலியா எளிதாக 300 ரன்னைத் தாண்டும் என எதிர்பார்க்கப்பட்டது. ஆனால் மேக்ஸ்வெல் 12 ரன்னிலும், ஸ்மித் 38 ரன்னிலும், ஸ்டாய்னிஸ் 8 ரன்னிலும் வெளியேற ஆஸ்திரேலியாவின் ஸ்கோர் அப்படியே படுத்து விட்டது.
ரன் அவுட்
அதில் ஸ்டோய்னிஸ் ரன் அவுட்டை பார்த்து தான் இணையதளவாசிகள் சிரிப்பாய் சிரிக்கின்றனர். ஸ்மித்துடன் சேர்ந்து அவர் ஸ்கோரை 228 ரன்களுக்கு கொண்டு சென்ற போதும் அந்த காமெடி நிகழ்ந்தது. ஸ்டோய்னிஸ் தேவையில்லாமல் ரன் அவுட் ஆனார். அவர் அவுட்டான விதம் இணையத்தில் ஏக மாஸ்.
2வது ரன்னுக்கு ஆசை
ஸ்மித் லாங் ஆப் திசைக்கு ஒரு பந்தை அடிக்க முயல, அது டீப் திசைக்கு செல்கிறது. ஸ்டோய்னிஸ் நான் ஸ்டிரைக் திசையில் இருந்து, வேகமாக ஓடி ஒரு ரன் எடுக்கிறார். பின்னர், ஸ்மித்தை பார்க்காமல் விறுவிறுவென 2வது ரன்னை எடுக்க ஓடுகிறார்.
சிரிப்போ சிரிப்பு
vஸ்மித்தும் கிளம்புவது போல கிளம்பி கண்ணிமைக்கும் நேரத்தில் பொசிஷனை மாற்றுகிறார். இருவரும் ஓடி வந்து ஒரே முனையில் இருக்க.. களத்தில் ஏக குழப்பம். பந்தை சேகரித்த ரஷித், பட்லருக்கு அனுப்ப, ஸ்டோய்ன்ஸ் ரன் அவுட். ஆட்டத்தில் தேவையற்ற, சிரிப்பாய் சிரிக்கும் ரன் ரவுட். இணையதள வாசிகள் ஏகத்துக்கும் வச்சு செய்து வருகின்றனர்.