Click it and Unblock the Notifications
அற்புத ஆட்டம்
தொடக்கம் முதலே ஒரு முடிவோடு அவர்கள் ஆட தொடங்கினர். ஆட்டத்தின் முதல் ஓவர் மட்டுமல்லாமல்.. அடுத்து வரக்கூடிய ஓவர்களிலும் இருவரும் அற்புதமான ஆட்டத்தை ஆடினர்.
ரன்ரேட் அதிகரிப்பு
2வது ஓவரில் 21 ரன்கள், 3வது ஓவரில் 32 ரன்கள் என தொடர்ந்து ரன்கள் வந்து கொண்டே இருந்தன. இந்த ஜோடியை நிலைக்க விடக்கூடாது என்று முடிவு எடுத்திருந்த கோலி.. பந்துவீச்சாளர்களை மாற்றி மாற்றி பார்த்தார்.
பறந்து பந்துகள்
ஆட்கள் மாறினார்களே தவிர... ஆட்டம் மாறவில்லை. முன்பை விட வார்னரும். பெய்ர்ஸ்டோவும் சுறுசுறுப்பாக ஆட ஆரம்பித்தனர். அதிரடியாக ஆடிய வார்னர் முதலில் 50 ரன்களை எட்டுவார் என்று எதிர்பார்க்கப்பட்டது. ஆனால்... 9வது ஓவரில் தமது அரை சதத்தை எட்டினார் பெய்ர்ஸ்டோ.
பார்ட்னர்ஷிப்
மிக எளிதாக இருவரும் பார்ட்னர்ஷிப்பில் 100 ரன்களை கடந்தனர். அதன் பின்னரும் இருவரும் தமது ரன் வேட்கையை நிறுத்தவில்லை. பெங்களூர் அணியின் பந்துவீச்சை சிதறடித்தனர்.
பெய்ர்ஸ்டோவ் சதம்
தொடக்கம் முதலே அதிரடியாக ஆடிய பெய்ர்ஸ்டோ ஐபிஎல் தொடரில் தமது முதல் சதத்தை எடுத்து புதிய சாதனை படைத்தார். 17வது ஓவரின் போது 114 ரன்கள் எடுத்திருந்த பெய்ர்ஸ்டோ சாஹல் பந்தில் ஆட்டமிழந்தார்.
