3 போட்டிகள் தான்
இன்னும், விரிவாக சொல்ல வேண்டுமானால், டான்டன் மைதானத்தில் நடைபெற்ற போட்டிகளின் எண்ணிக்கையே வெறும் 3 தான். கிரிக்கெட்டின் தாயகமான இங்கிலாந்தில் இப்படி ஒரு மைதானமா என்று ஆச்சரியப்படக் கூடும். ஆனால், வரலாறுகளும், புள்ளி விவரங்களும் நமக்கு அப்படித் தான் சொல்கின்றன.
6,500 இருக்கைகள்
அதாவது... உலக கோப்பை தொடரானது 1975ம் ஆண்டு முதல் நடைபெற்று வரும் நிலையில், இந்த விஷயம் ஆச்சரியமான ஒன்றுதான். அந்த கிரிக்கெட் மைதானத்தில் மொத்தமாக இருப்பது 6,500 இருக்கைகள் தான்.
1999ல் கடைசி போட்டி
மைதானத்தில் முதல் போட்டியாக இங்கிலாந்து, இலங்கை அணிகள் மோதின. 1983 உலக கோப்பையின் முக்கிய போட்டியாக அது இருந்தது. மொத்தம் 3 ஒரு நாள் போட்டிகளே நடந்துள்ளது. 1999ம் ஆண்டிற்கு பின் எந்த ஒரு நாள் போட்டியும் நடைபெறவில்லை.
318 ரன்கள் சாதனை
1999ம் ஆண்டில் நடைபெற்ற போட்டியை கிரிக்கெட் உலகம் அவ்வளவு எளிதில் மறந்துவிட முடியாது. இலங்கைக்கு எதிரான போட்டியில் கங்குலியும், டிராவிட் இருவரும் இணைந்து ருத்ரதாண்டவம் ஆடிய மைதானம் டான்டன். இவர்கள் இருவரும் இணைந்து எடுத்த ரன்கள் 318. அன்றைய நாட்களில் மிகப் பெரிய சாதனையாக இருந்தது. இன்றளவும் கிரிக்கெட் ரசிகர்களால் அது பேசப்பட்டும் வருகிறது.
2 முறை வென்றிருக்கிறது
டான்டன் மைதானத்தில் டாஸ் வென்ற அணியே அதிகம் முறை வென்றுள்ளது. 3 போட்டிகளில் டாஸ் வென்ற அணி 2 முறை வெற்றி பெற்றிருக்கிறது. முதலில் பேட் செய்த அணி வெற்றி பெற 42.5 சதவீதம் வாய்ப்பும், 2வதாக மட்டையை பிடிக்கும் அணி 29.32 சதவீதமும் வெற்றி பெற வாய்ப்புள்ளது. இது டான்டன் மைதானத்தின் வெற்றி, தோல்வி புள்ளி விவரம்.
அதிகபட்ச ஸ்கோர்
டான்டன் மைதானத்தில் பேட்டிங் சராசரி 32.23, பவுலிங் சராசரி 39.02 சதவீதம். மொத்தமாக 3 சதங்களும், 6 அரைசதங்களும் இந்த மைதானத்தில் பதிவு செய்யப்பட்டிருக்கிறது. அதிலும், இந்த மைதானத்தில் அதிகபட்சமாக இந்திய அணி 318 ரன்கள் அடித்துள்ளது.