நியூசிலாந்து சுற்றுப்பயணம்
இந்நிலையில் இந்திய அணி, நியூசிலாந்துக்கு சுற்றுப்பயணம் மேற்கொண்டு 3 போட்டிகள் கொண்ட டி20 தொடரிலும், 3 போட்டிகள் கொண்ட ஒருநாள் போட்டி தொடரிலும் பங்கேற்கவுள்ளதாக அறிவிக்கப்பட்டுள்ளது. இன்று வெளியிடப்பட்ட நியூசிலாந்தின் உள்நாட்டு போட்டிக்கான அட்டவணையில் இது உறுதியாகியுள்ளது.
அட்டவணையில் சிக்கல்
இந்திய அணி அடுத்ததாக வரும் ஜூலை 22ம் தேதி முதல் ஆகஸ்ட் 2ம் தேதி வரை வெஸ்ட் இண்டீஸ் சுற்றுப்பயணத்தில் பங்கேற்கிறது. அதன்பின்னர் ஆசியக்கோப்பை தொடர், டி20 உலகக்கோப்பை தொடர் என அடுத்தடுத்து தொடர்களில் விளையாடவுள்ளது.
போட்டிகள் எப்போது
எனவே நியூசிலாந்து சுற்றுப்பயணத்தை டி20 உலகக்கோப்பை தொடர் முடிந்த அடுத்த 3 நாட்களில் உறுதி செய்துள்ளனர். அதாவது நவம்பர் 18ம் தேதி தொடங்கி நவம்பர் 30ம் தேதி வரை நடைபெறவுள்ளது. கடந்தாண்டு டி20 உலகக்கோப்பை தொடர் முடிந்தவுடன் இதே போன்று நியூசிலாந்து அணி இந்தியாவுக்கு சுற்றுப்பயணம் மேற்கொண்டிருந்தது குறிப்பிடத்தக்கது.
முழு அட்டவணை
- நவம்பர் 18 - முத டி20 போட்டி
- நவம்பர் 20 - 2வது டி20 போட்டி
- நவம்பர் 22 - 3வது டி20 போட்டி
- நவம்பர் 25 - முதல் ஒருநாள் போட்டி
- நவம்பர் 27 - 2வது ஒருநாள் போட்டி
- நவம்பர் 30 - 3வது ஒருநாள் போட்டி